PAT 3
Frɔm we di Izrɛlayt dɛn Kɔmɔt na Ijipt te Dɛn Gɛt Dɛn Fɔs Kiŋ
Mozis pul di Izrɛlayt dɛn kɔmɔt na Ijipt ɛn go wit dɛn na Mawnt Saynay. Na Mawnt Saynay Gɔd gi dɛn in lɔ dɛn. Leta, Mozis sɛn 12 man dɛn fɔ go luk aw Kenan tan. Bɔt tɛn pan dɛn man ya kam tɔk bad bɔt di ples. Dɛn mek di pipul dɛn want fɔ go bak na Ijipt. Gɔd pɔnish di Izrɛlayt dɛn bikɔs dɛn nɔ biliv am. I mek dɛn waka waka fɔ 40 ia na di ɛmti land usay pɔsin nɔ go ebul de.
Afta ɔl dis, dɛn pik Jɔshwa fɔ bi di Izrɛlayt dɛn nyu lida fɔ kɛr dɛn go na Kenan. Jiova du bɔku mirekul dɛn fɔ ɛp di Izrɛlayt dɛn fɔ pul di land na di Kenanayt dɛn an. I mek Riva Jɔdan lɛf fɔ rɔn, ɛn i mek di wɔl we de rawnd Jɛriko fɔdɔm. Dɔn i mek di san nɔ go dɔŋ fɔ wan ol de. Afta siks ia, di Izrɛlayt dɛn pul di land na di Kenanayt dɛn an.
Na jɔj dɛn bin de rul di Izrɛlayt dɛn. Di jɔj dɛn bin rul na Izrɛl fɔ 356 ia, ɛn na Jɔshwa na bin di fɔs jɔj. Wi go lan bak bɔt ɔda jɔj dɛn lɛk Berak, Gidyɔn, Jɛfta, Samsin ɛn Samiɛl. Ɛn wi go lan bak bɔt sɔm uman dɛn lɛk Reab, Dɛbora, Jeɛl, Rut, Naomi ɛn Dilayla. Ɔltin na Pat TRI apin insay 396 ia.
INSAY DIS SƐKSHƆN
STORI 36
Di Kaw Pikin we Dɛn Mek wit Gold
Wetin mek pipul dɛn de wɔship aydɔl we dɛn mɛlt yerin dɛn fɔ mek?
STORI 38
Di 12 Man dɛn We Go Luk Aw Kenan Tan
Tɛn pan di man dɛn tɔk di sem tin, bɔt di ɔda tu dɛn tɔk difrɛn tin. Udat di Izrɛlayt dɛn biliv?
STORI 48
Di Gibyɔnayt dɛn Gɛt Sɛns
Dɛn ful Jɔshwa ɛn di Izrɛlayt dɛn fɔ mek dɛn prɔmis se dɛn nɔ go fɛt dɛn, bɔt di Izrɛlayt dɛn bin du wetin dɛn prɔmis.
STORI 49
Di San Nɔ Go Dɔŋ
Jiova du sɔntin fɔ Jɔshwa we I nɔ bin dɔn ɛva du yet ɛn te tide I stil nɔ du am yet.
STORI 50
Tu Uman dɛn We Bin Gɛt Maynd
Na Berak lid di Izrɛlayt dɛn fɔ go fɛt, bɔt wetin mek na Jeɛl bin gɛt di prez?
STORI 53
Jɛfta in Prɔmis
Di prɔmis we Jɛfta bin prɔmis Jiova na bin jɔs afɛkt am nɔmɔ bɔt I bin afɛkt in gyalpikin bak.
