Mose alitungulwile abaIsilaeli ukufuma mu busya mu Ijipiti ukuya ku Lupili lwa Sinai, uku baLesa babapele amafunde. Mukukonkapo, Mose alitumine abalalume 12 mu kucete’calo ca Kanani. Pano 10 pali babo balibweleleko ne lyasi ilibipile. Balilengele abantu ukufwaya ukubwelelamo ku Ijipiti. Pakuti tabakwete ubucetekelo, baLesa balipanikile abaIsilaeli ukulukwendaenda mu mpanta pa myaka 40.

Mukupelako Josyua alisalulwilwe ukutungulula abaIsilaeli mu calo ca Kanani. Pakubofwa ukupoke’calo, baYehoba balicitile ifimpelampela. Balilengele Inika ya Jodeni ukuleka ukukunka, amalinga aku Jeliko ukuwa pansi, ne kasuba ukwimakana lukoso akasuba konse. Panuma ya myaka isanu na umo, icalo calipokelwe ku baKanani.

Ukutatikila pali Josyua, pa myaka 356 Isilaeli alitekelwe ne basololwesi. Tulasambilila pali babo abengi, ukusansyako Balaka, Gidyoni, Yefita, Samisoni na Samweli. Kabili tulapenda na pa banakasi abali koti ni Lakabi, Debola, Yaeli, Lufi, Naomi na Delila. Syonse pamo, imyaka 396 isya lyasi lya kale silukulabilwapo mu Ciputusya ca BUTATU.