ഈജി​പ്‌തിൽ അടിമ​ക​ളാ​യി​രു​ന്ന ഇസ്രാ​യേ​ല്യ​രെ മോശെ അവി​ടെ​നി​ന്നു പുറത്തു​കൊ​ണ്ടു​വന്ന്‌ സീനായി പർവത​ത്തിന്‌ അടു​ത്തേ​ക്കു നയിച്ചു; അവി​ടെ​വെച്ച്‌ ദൈവം അവർക്കു തന്റെ നിയമങ്ങൾ നൽകി. പിന്നീട്‌ കനാൻദേ​ശം ഒറ്റു​നോ​ക്കാൻ മോശെ 12 ചാരന്മാ​രെ അയച്ചു. എന്നാൽ അവരിൽ 10 പേർ തിരി​ച്ചു​വ​ന്നു പറഞ്ഞത്‌ പേടി​പ്പെ​ടു​ത്തു​ന്ന കാര്യ​ങ്ങ​ളാണ്‌. അതു​കേട്ട്‌ ജനം തങ്ങൾക്ക്‌ ഈജി​പ്‌തി​ലേ​ക്കു മടങ്ങി​പ്പോ​ക​ണ​മെ​ന്നു പറഞ്ഞു. ഇസ്രാ​യേ​ല്യർ ഇത്ര​ത്തോ​ളം വിശ്വാ​സ​മി​ല്ലാ​തെ പെരു​മാ​റി​യ​തു​കൊണ്ട്‌ ദൈവം അവരെ ശിക്ഷിച്ചു. 40 വർഷം മരുഭൂ​മി​യിൽ അവർ അലഞ്ഞു​ന​ട​ക്കേ​ണ്ടി വന്നു.

ഒടുവിൽ, ഇസ്രാ​യേ​ല്യ​രെ കനാൻദേ​ശ​ത്തേ​ക്കു നയിക്കു​ന്ന​തിന്‌ യഹോവ യോശു​വ​യെ തിര​ഞ്ഞെ​ടു​ത്തു. ദേശം പിടി​ച്ച​ട​ക്കാൻ അവരെ സഹായി​ക്കു​ന്ന​തിന്‌ യഹോവ അത്ഭുതങ്ങൾ ചെയ്‌തു. യോർദ്ദാൻ നദിയു​ടെ ഒഴുക്കു നിൽക്കു​ന്ന​തി​നും യെരീ​ഹോ​യു​ടെ മതിലു​കൾ ഇടിഞ്ഞു​വീ​ഴു​ന്ന​തി​നും ഒരു ദിവസം മുഴുവൻ സൂര്യൻ അനങ്ങാതെ നിൽക്കു​ന്ന​തി​നും അവൻ ഇടയാക്കി. ആറു വർഷം കഴിഞ്ഞ്‌ ഇസ്രാ​യേ​ല്യർ കനാന്യ​രിൽനി​ന്നു ദേശം പിടി​ച്ചെ​ടു​ത്തു.

യോശു​വ​യു​ടെ കാലം മുതൽ 356 വർഷ​ത്തേക്ക്‌ ന്യായാ​ധി​പ​ന്മാ​രാണ്‌ ഇസ്രാ​യേ​ലിൽ ഭരണം നടത്തി​യത്‌. ബാരാക്ക്‌, ഗിദെ​യോൻ, യിഫ്‌താഹ്‌, ശിം​ശോൻ, ശമൂവേൽ തുടങ്ങിയ അനേകം ന്യായാ​ധി​പ​ന്മാ​രെ​ക്കു​റി​ച്ചു നാം പഠിക്കും. രാഹാബ്‌, ദെബോ​രാ, യായേൽ, രൂത്ത്‌, നവോമി, ദലീലാ എന്നിങ്ങ​നെ​യു​ള്ള സ്‌ത്രീ​ക​ളെ​ക്കു​റി​ച്ചും ഈ ഭാഗത്തിൽ വായി​ക്കും. മൂന്നാം ഭാഗത്തിൽ ആകെ 396 വർഷത്തെ ചരിത്രം കൊടു​ത്തി​ട്ടുണ്ട്‌.