BABG A 3
Israɛll nebã sẽn yi Eziptã, n tãag b sẽn na n kos pipi rĩmã
A Moiiz yiisa Israɛll nebã Ezipt n tall-b n kẽng Sinayi tãngẽ wã. Yaa be la Wẽnnaam kõ-b a noyã. Rẽ poore, a Moiiz tʋma rap 12 tɩ b na n tɩ ges Kanaã tẽngã. La rap 10 n lebg n wa gom goam sẽn yɛɛs nebã tɩ b ra rat n leb Ezipti. Israɛll nebã sẽn pa tẽ Wẽnnaamã yĩnga, a kɩtame tɩ b yeeb rasempʋɩɩgã pʋgẽ yʋʋm 40.
Wẽnnaam wa n yãka a Zozue t’a na n lʋɩ Israɛll nebã taoor tɩ b kẽ Kanaã tẽngã pʋgẽ. A Zeova maana yel-soalem n sõng-b tɩ b reeg tẽngã. A kɩtame tɩ Zʋrdẽ kʋɩlgã koom yalse, la a kɩt tɩ Zeriko lalsã me lʋɩ, la a kɩt me tɩ wĩntoogã yals raar a ye tõre. Yʋʋm a yoob poore, Israɛll nebã tõog n deega Kanaã tẽngã.
Sẽn sɩng ne a Zozue, bʋ-kaoodb n lʋɩ Israɛll nebã taoor yʋʋm kobs-tã la pis-nu la a yoob pʋgẽ. D na n goma bãmb wʋsg yelle. Wala makre, a Barake, a Zedeõ, a Zɛfte, a Samsõ la a Sãmwɛlle. D na n goma pagb kẽer me yelle, wala a Rahaabe, a Debora, a Zayɛlle, a Ruti, a Naomi la a Dalila. Yaa yʋʋm kobs-tã la pis-wɛ la a yoob pʋgẽ la yɛl nins b sẽn togs babg a tãabã pʋgẽ wã maan-yã.
BAB-KÃNGÃ PƲGẼ
KIBAR 36
Sãnem nag-bilã
Bõe yĩng tɩ nin-buiidã wa waoogd sãnem na-bil b sẽn yẽneg tʋb-lond n dõoge?
Kibar 38
Rap 12 n tɩ ges Kanaã
Rap nins b sẽn tʋma neb piigã goam yɩɩ toor ne b neb a yiibã. Ãnd dãmb goam la Israɛll nebã tẽyã?
KIBAR 48
Gabaõ nebã talla yam
B belga a Zozue ne Israɛll nebã tɩ b pʋlem pʋlengo, la Israɛll nebã kell n pidsa b sẽn pʋlmã.
KIBAR 49
Wĩntoogã yalsame
A Zeova maana bũmb a sẽn da zɩ maane, la a sẽn pa le maan rẽ poore, n kõ a Zozue.
Kibar 50
A Debora ne a Zayɛlle
A Barak sẽn lʋɩ Israyɛll nebã taoor tɩ b kẽng zabrã, bõe yĩng tɩ wa yaa a Zayɛll n paam waoogrã?
KIBAR 55
Biig sẽn tʋmd Wẽnd-doogẽ
Wẽnnaam kɩtame tɩ bi-bɩɩg a Sãmwɛll taas maan-kʋʋdb kãsem a Eli koe-beedo.
