Parte 3

Makisaj itech Egipto niman ontlami ijkuak nemi kachtopa tekiuaj ipan Israel

Moisés okinkixti israelitas kampa kintekitiltiayaj kentla tlakeualtin niman okinuikak ipan tepetl Sinaí, kampa toTajtsin okinmakak Itlanauatiluan. Sakin, Moisés okintitlan 12 tlakamej maichtakatlachiatij ipan tlajli Canaán. Majtlaktli tlakamej okijlikej tlen xkuajli ijkuak ouajnokuepkej. Niman ijkon okichiujkej makinekikan nokuepaskej israelitas, ne Egipto. Pampa xotlaneltokakej, toTajtsin okichiuj israelitas makistinemikan 40 xiuitl ipan tlaluaktli.

Josué, okitlapejpenijkej niman ijkon yejua makinuika israelitas ipan tlajli Canaán. Jehová okichiuj milagros niman ijkon okinpaleui makinotlatkitikan yejon país. Okitsakuili atentli Jordán, okichiuj maxoxotonikan itepanuan Jericó niman se tonajli okitelti Tonaltsintli. Ipan chikuasen xiuitl, okinkuilijkej intlal cananeos.

Itech 356 xiujtin, nemiyaj jueces akin okinyekankej israelitas, opeuj Josué. Melak miyek tiuelij intech, ken Barac, Gedeón, Jefté, Sansón niman Samuel. Noijki itech siuamej ken Rahab, Débora, Jael, Rut, Noemí niman Dalila. Ika nochi, opanokej 396 xiujtin ipan Parte YEYI.