GAWO 3
Kuyambira Kucosedwa mu Edjipito Mpaka Mambo Wakutoma mu Jirayeri
Mozeji adatsogolera Wajirayeri kucoka ku ukapolo mu Edjipito mpaka pa Phiri la Sinai, komwe Mulungu adawapasa bzakutonga. Patsogolo pace, Mozeji adatumiza azondi 12 kuti wakazondere dziko la Kanani. Tsono azondi 10 wadabwerera na nkhani yakuipa. Iwo adacitisa kuti wanthu wale wafune kubwerera pomwe ku Edjipito. Thangwe ra kusaya cikhulupiro, Mulungu adapasa nyathwa Wajirayeriwo mwakuwazungairisa mu dambo magole 40.
Pakumalizira, Djosuwe adasankhulidwa kuti atsogolere Wajirayeriwo pa kupita m’dziko la Kanani. Yahova adacita bzakudabwisa kuti awathandize kutenga dzikolo. Iye adaimisa madzi ya Mkulo wa Joridano, litsito la mzinda wa Jeriko lidagwesedwa, ndipo dzuwa lidagaka nsiku yense ipumulumira. Yatapita magole matanthatu, dziko la Kanani lidadzatengedwa.
Jirayeri adatongedwa na wayeruzi magole 356, ndipo wakutoma akhali Djosuwe. Tin’dzapfunza bza wazinji wa iwo, kuphatanidzambo Baraki, Gidiyoni, Djafeti, Samusoni na Samuweri. Tin’dzapfunzambo bza akazi ninga Rahabi, Debora, Jayeri, Rute, Naomi na Dalila. Zensenezi ni nkhani zakutenga magole 396, zakufokotozedwa m’Gawo LACITATULI.
MU GAWOLI
NKHANI 35
Yahova Akupereka Bzakutonga Bzace
Kodi ni malamulo mawiri yaponi yomwe yan’posa bzakutonga khumi?
NKHANI 38
Azondi 12
Azondi khumi ankulewa cinthu cibodzi, ndipo awiri ankulewa bzinango. Kodi Ajirayeri an’dzakhulupira mbani?
NKHANI 39
Mpsimbo Ya Aroni Ikuphukira Maluwa
Kodi bzingakwanisike tani mpsimbo kuphukira maluwa na bzisapo mkati mwa usiku bubozi basi?
NKHANI 43
Djosuwe Akukhala Mtsogoleri
Mozeji adapitiriza kukhala wamphanvu, tsono thangwe ranyi Djosuwe adapita m’mbuto mwace?
NKHANI 44
Rahabi Akubisa Azondi
Kodi Rahabi adathandiza tani azondi awiri wale, ndipo adawakumbira kuti amucitire ciyani?
NKHANI 45
Kuyambuka Mkulo Wa Joridano
Cakudabwisa cinkucitika pomwe ansembe ankupita m’madzi ya mu mkulo wa Joridano.
NKHANI 46
Litsito La Jeriko
Kodi bzingakwanisike tani kuti cingwe cifuira cicitise mpanda kuleka kugwa?
NKHANI 48
Wagibeyoni Wa Nzeru
Iwo adacitisa kuti Djosuwe na Wajirayeri acite nawo mpangano, koma Wajirayeri adakwanirisa mpangano wawo.
NKHANI 49
Dzuwa Likuima
Mulungu adacita cinthu cinango kuna Djosuwe comwe akanati kucita mpaka pano.
NKHANI 50
Akazi Awiri Wakulimba Mtima
Baraki ni omwe adatsogolera acikunda wa Jirayeri pakuyenda ku nkhondo, tsono n’thangwe ranyi Jayeri ni omwe adapasidwa mbiri yakukunda nkhondoyo?
NKHANI 51
Rute Na Naomi
Rute adasiya wadzinza wace ndipo adayenda ku Jirayeri na Naomi komwe adakakhala mtumiki wa Yahova.
NKHANI 52
Gideyoni na Amuna Wace Wakukwana 300
Mulungu adasankhula acikunda kucokera pa gulu lakucepa, pomwe iwo adayezedwa pakumwa madzi.
NKHANI 54
Mwamuna Wamphanvu
Kodi Dalila adadzadziwa tani bza cinsi ca komwe kukhacokera mphanvu za Samusoni?
NKHANI 55
Mulumbwana Mng’ono Akutumikira Mulungu
Mulungu ankuphatisa basa mulumbwana Samuyeri kuti akauze Mkulu Wansembe Eli nkhani inango yakunesa kwene-kwene.
