PART 3
From Taem wea Israel Kamap Free From Egypt Go Kasem Firstfala King Bilong Israel
Moses leadim olketa Israelite from wei for slave long Egypt go kasem Maunt Sinai, wea God givim olketa law bilong hem for olketa. Bihaen, Moses sendem 12-fala man for spaem land bilong Canaan. Bat 10-fala long olketa kam bak witim nogud report. Olketa mekem pipol hia want for go bak long Egypt. From olketa no garem faith, God panisim olketa Israelite taem hem mekem olketa wakabaot for 40 year insaed long wilderness.
Gogo, God chusim Joshua for leadim olketa Israelite go insaed long land bilong Canaan. For helpem olketa tekem datfala land, Jehovah duim olketa mirakol. Hem mekem Jordan River for no ran, olketa wall bilong Jericho for foldaon, and sun for no muv for wanfala full day. Bihaen sixfala year, olketa tekem datfala land from olketa bilong Canaan.
Start witim Joshua, olketa judge nao rulim Israel for 356 year. Iumi bae lane abaotem plande long olketa, olsem Barak, Gideon, Jephthah, Samson and Samuel. Iumi bae read tu abaotem olketa woman olsem Rahab, Deborah, Jael, Ruth, Naomi and Delilah. Part THRI hem storyim samting wea happen insaed 396 year bilong history.
LO DISFALA SEKSON
STORY 35
Jehovah Givim Olketa Law Bilong Hem
Wanem tufala law nao important winim Olketa Tenfala Komandment?
STORY 36
Gold Buluka
Why nao bae pipol laek for worshipim wanfala idol wea Aaron wakem from olketa earring wea hem meltim?
STORY 37
Wanfala Tent for Worship
Ark bilong covenant stap insaed smolfala rum long end bilong disfala tent.
STORY 38
Twelvfala Spae
Tenfala long olketa spae talem sem samting, bat tufala talem difren story. Hu nao bae olketa Israelite bilivim?
STORY 39
Stik Bilong Aaron Garem Flaoa
Hao nao insaed wanfala naet bae wanfala dae stick bae garem olketa flaoa and raep fruit?
STORY 44
Rahab Haedem Olketa Spae
Wanem nao Rahab duim for helpem tufala man hia, and wanem nao hem askem tufala for duim for hem?
STORY 45
Katkros Long Jordan River
Taem olketa priest step insaed long wata, wanfala mirakol hem happen.
STORY 48
Wisefala Pipol Bilong Gibeon
Olketa trikim Joshua and olketa Israelite for mekem promis, but olketa Israelite keepim promis bilong olketa.
STORY 50
Tufala Woman wea No Fraet
Barak nao leadim army bilong Israel long war, bat why nao Jael nao kasem praise?
STORY 52
Gideon and 300 Man Bilong Hem
God chusim olketa member bilong disfala smol army bihaen hem mekem olketa duim wanfala test taem olketa drinkim wata.
STORY 55
Wanfala Smol Boy Servem God
God iusim young Samuel for talemaot wanfala strong message long Hae Priest Eli.
