Kimsa kaq tanta

Egiptomanta kacharichikuy qallariq reykama

Moisesqa israelitasta Egiptopi watasqa kasqankumanta Sinaí urquman pusan, chaypitaq paykunaman kamachiykunata qurqa. Chaymanta Moisesqa 12 qharita Canaán jallpʼata watiqanankupaq akllarqa. Chunka qhariqa mana allin willaykunallawan kutimurqanku. Chayrayku runaqa Egiptoman kutipuyta munarqanku. Mana Diospi suyakusqankurayku Diosninchikqa israelitakunata jasutʼirqa, 40 watata chʼaki jallpʼapi purichispa.

Josué israelitakunata Canaán jallpʼaman pusaykunanpaq akllasqa karqa. Jehová milagrosta ruwaspa chay jallpʼapi tiyakunankupaq israelitakunata yanaparqa. Jordán mayuta chʼakichirqa. Jericop pirqasninta thuñirqa, Intitapis juk pʼunchayta sayachirqa. Suqta watapitaq cananeosmanta jallpʼanta qhichurqanku.

Josuemantapacha juezkuna Israel llaqtata 356 watakunata kamachirqanku. Baracmanta, Gedeonmanta, Jeftemanta, Sansonmanta, Samuelmanta ima kunan yachakusunchik. Chantapis Rahabmanta, Deboramanta, Jaelmanta, Rutmanta, Noemimanta, Dalilamanta ima yachallasunchiktaq. Kay KIMSA kaq tantapiqa 396 watakunamanta willakun.