Fizarà 3

Fanafàha Baka Ejipta Zisiky amy Mpanjakan’Israely Voalohane

Nitarike ty Israelita baka Ejipta ao, ho amy Vohitse Sinay teny Mosesy, ka tany Andranahare ro nanome an-droze ty lalàne. Nanirake lahilahy 12 Mosesy mba hanenty ty raha miseho ta-Kanana tao. Fe nanday vaovao raty ty folo tamin-droze reo, ka naniry himpòly ta-Ejipta tany ndraike ty olo. Nosazì-Ndranahare Israelita reo, ka nengàne hiriorio tan’efitsy tany tanaty 40 tao, satria tsy ampy finoa aze roze.

Tamy farane, le nofilì-Ndranahare Josoa mba hitarike ty Israelita ho amy tany Kanana ane. Nanao fahagagà Jehovah mba hanampia an-droze hahazo tany io. Nataone ze tsy handehana’ty Ranon’i Jordana, noravàne ty rindrin’i Jeriko, tsy nampihetsehine tanaty andro raike ty masoandro. Ka laha fa afake eny tao tafara atoy le niazon-droze tamy Kananita reo, tany io.

Nanomboke tamin’i Josoa le mpitsara ro nanjaka tamin’Israelita reo tanaty 356 tao. Hianatse mikasike mpitsara reo tsika: Baraka, Gideona, Jefta, Samsona noho Samoela. Ho hitantsika ato koa ty tantaran’i Rahaba, Debora, Jaela, Rota, Naomy noho Delila. Amy fitambarane le mitantara ty raha nisy tanaty 396 tao Fizarà FAHATELO toy.