VEGHER U SHA 3
M-due u ken Igipiti zan zan Tor u Iserael u Hiihii
Mose yange hemen Mbaiserael due ave ken uikyangen ken Igipiti va a̱r ave hen Uwo u Sinai, hen ape Aôndo na ve atindi a na la. Ken hemen yô, Mose tindi iorov 12 er ve̱ za nenge mker ken tar u Kanaan. Kpa iorov 10 ken atô ve hide a kwaghôron u bo. Yange ve na ior tôm u hiden yemen ken Igipiti. Sha ci u m-ban u jighjigh ve u nan la yô, Aôndo tsaha Mbaiserael sha u nan ve er ve̱ zende ken taaikyôngo anyom 40.
Ken masejime yô, I tsua Yosua sha u a̱ hemen Mbaiserael a̱ nyôr a ve ken tar u Kanaan yô. U wasen ve sha u vea ngohol tar la yô, Yehova na uivande ve e̱r. Yange na Ifi u Yordan de u kuan, girgar u Yeriko yôhôl gba, shi iyange i̱ tile gigh gigh sev jimin. Anyom nga karen ataratar yô, i ngohol tar la sha ikev i Mbakanaan kera.
Hii sha Yosua je, hemen u Iserael ken atô u anyom 356 lu sha ikev i mbaajiriv. Se hen kwagh u mbagenev ken atô ve kpishi, anza er Baraki, Gidion, Yefeta, Semson man Samuel nahan. Shi se ôr kwagh u kasev er Rahabi, Debora, Yael, Rutu, Naomi man Delila nahan. Kohol cii yô, Vegher u sha UTAR ne yisa shighe kuma anyom 396 a akaa a mbayiase.
IN THIS SECTION
ITYOUGH 36
Wanbua u Zenaria
Er nan ve yange ior civir eev mbu i er mbu sha nyeregh ku mbaabinkuni mba wan ken ato?
ITYOUGH 38
Mbamkerev Mba 12
Iorov pue ken mba yange ve za u za keren fan akaa a ken tar u Kanaan la hide va ôr kwagh ve kposo, kpa mbauhar gema ôr di kwagh ugen kposo. Lu mba han Mbaiserael na ve jighjighi?
ITYOUGH 39
Gbough Ku Aron Kpar Uimondon
A er nan ve tiôn kon u ombor nahan una kpar shi una ume atam je aa via hen tugh mômo?
ITYOUGH 43
Yosua Hingir Orhemen
Mose yange lu her gbong gbong, man er nan ve yange i tsua Yosua ér a hemen ior sha ityough nagha?
ITYOUGH 44
Rahabi Yer Mbamkerev
Rahabi yange wase iorov uhar mba ve za u za keren fan akaa la nena, man yange kaa a ve ér ve wase un nena?
ITYOUGH 45
U Peren Ifi u Yordan
Yange upristi mba za hungwan angahar shin Ifi u Yordan yô, ivande er.
ITYOUGH 47
Ormbaiv ken Iserael
Iferor môm tseegh nana na kwagh a fatyô u tseren ikyurior jimin ciili?
ITYOUGH 48
Mbagibeon Mba Fankwagh
Yange ve bume Yosua kua Mbaiserael ya ikyur a ve, kpa Mbaiserael kura ikyuryan i ve ya a ve la.
ITYOUGH 49
Iyange Tile Gigh Gigh
Yehova yange er kwagh ugen sha ci u Yosua, man lu kwagh u i gba je lu a vande eren ga, shi a kera kimbir eren kpaa ga yô.
ITYOUGH 50
Kasev Uhar Mba Taver Asema
Baraki yange hemen mbautyaav mba Iserael yem a ve ken uitya, kpa yange er nan ve Yael kar za ya gwa?
ITYOUGH 52
Gidion man Ior Nav 300
Aôndo yange kar ior mba a tsua ve u lun ken shoja i kpuaa ne la sha gbenda u ve ma mngerem la, lu gbenda u vanden karen ior ga yô.
ITYOUGH 53
Ityendezwa I Yefeta
Ityendezwa i Yefeta er a Yehova la yange na yô, a zungwe kua wan na u kwase la kpaa.
ITYOUGH 55
Wanye u Kiriki Er Aôndo Tom
Aôndo yange tindi Samuel za ôr Pristi u Tamen Eli loho u kundan un iyol.
