CHIGAWA 3
Kuwomboleka Kutuwa ku Egipiti Kuzifika M’nyengu ya Fumu Yakwamba ya Yisraele
Mosese wangulongozga Ayisraele kutuwa ku ukapolu ku Egipiti, kuchifika ku Phiri la Sinai, kweniko Chiuta wanguŵapaska malangu ngaki. Pavuli paki, Mosese wangutuma anthurumi 12 kuchizonda charu cha Kanani. Kweni anthurumi 10 anguzikamba vinthu vakugongoweska. Yiwu anguchitiska ŵanthu kukhumba kuwere ku Egipiti. Chifukwa chakuti Ayisraele ŵengavi chigomezgu, Chiuta wanguŵalanga ndipu wanguŵachitiska kuti ayendi m’chipululu vyaka 40.
Pakumaliya paki, Yoswa ndiyu wangusankhika kuti walongozgi Ayisraele kuluta ku charu cha Kanani. Yehova wanguchita vakuziziswa kuti waŵovyi ŵanthu yaŵa kulonda charu cha Kanani. Iyu wangumika maji nga mu msinji wa Yordane, wanguchitiska kuti mpanda wa msumba wa Yeriko uwi ndipuso wangumika lumwi kuti lileki kwenda zuŵa lamphumphu. Pati pajumpha vyaka 6, Akanani angulondeka charu chawu.
Kwambiya panyengu yaku Yoswa, weruzgi anguwusa charu cha Yisraele kwa vyaka 356. Tisambirengi za ŵeruzgi anandi kusazgiyapu Baraki, Gideoni, Jefta, Samsoni ndi Samuele. Tisambirengi so za anthukazi nge: Rahabi, Debora, Jaelu, Ruti, Naomi ndi Delila. Chigaŵa CHACHITATU ichi, chikonkhoska vinthu vosi vo vinguchitika kwa vyaka 396.
PA CHIGAŴA ICHI
NKHANI 34
Mtundu Wufya wa Chakurya
Chakurya chapade ichi chakutuwa kwaku Chiuta chinguwa kutuwa kuchanya.
NKHANI 35
Yehova Wapereka Malangu Ngaki
Kumbi malangu ngakulungakulu ngaŵi ngo ngaluska Malangu 10 ndi nanga?
NKHANI 36
Mwana wa Ng’ombi Wagolidi
Nchifukwa wuli Ŵanthu asopanga chiuta wakuchita kupanga kutuwa ku ndeŵereŵi?
NKHANI 38
Azondi 12
Azondi 10 angukamba vakuyanana, kweni azondi ŵaŵi angukamba vinyaki. Kumbi Ayisirayeli angugomezga azondi naŵa?
NKHANI 39
Nthonga Yaku Aroni Yime Maluŵa
Kumbi vingachitika wuli kuti kachimiti kakumila kame maluŵa ndi kupasa vipasu vakufya usiku umoza?
NKHANI 43
Yoswa Wasankhika Kuja Mulongozgi
Mosese weche ndi nthazi, so ntchifukwa wuli Yoswa wasere m’malu mwaki?
NKHANI 44
Rahabi Wabisa Azondi
Kumbi Rahabi wanguŵawovya wuli anthulumi ŵaŵi, nanga wanguŵapemphanji?
NKHANI 46
Mpanda wa Yeriko
Kumbi vingachitika wuli kuti chingwi chiyera chichitiski nyumba kuti yileki kuwa pasi?
NKHANI 48
Agibeoni Azeru
Yiwu angukambiya Yoswa mwauryarya kweniso Ayisirayeli kuti achiti nawu phanganu, kweni Ayisirayeli angusunga phanganu lawu.
NKHANI 50
Anthukazi Ŵaŵi Achiganga
Baraki walongozga asilikali ŵa Yisraeli ku nkhondu, sonu ntchifukwa wuli Jaelu walonde unkhankhu?
NKHANI 51
Ruti ndi Naomi
Ruti wangutuwaku kumuzi kwawu ndi kuchija ndi Naomi ndipu wateŵetiyanga Yehova.
NKHANI 52
Gideoni ndi Asilikali Ŵaki 300
Chiuta wangusankha kagulu kamanavi ka Asilikali wo amwanga maji mwakutcheŵa.
NKHANI 53
Layizgu Laku Jefta
Vo Jefta wangulayizga Yehova vingukwaska iyu pe cha kweni vingukwaska so mwana waki.
NKHANIY 54
Munthu Wanthazi Ukongwa
Kumbi Delila wanguziŵa wuli vo vinguwovya Samsoni kuja ndi nthazi?
NKHANI 55
Mnyamata Wateŵete Chiuta
Chiuta wangukambiya Samuele kuti wakapereki uthenga wacheruzgu kwaku Eli yo wenga Mula wa Asembi.
