Mushe o bvisa Vhaisiraele vhupulini Egipita a vha isa Thavhani ya Sinai, he Mudzimu a vha fha milayo yawe. Nga murahu, Mushe a ruma vhanna vha 12 u ṱola shango ḽa Kanana. Fhedzi vha 10 vhavho vha vhuya na muvhiko muvhi. Vha ita uri vhathu vha ṱoḓe u vhuelela Egipita. Nga u sa vha havho na lutendo, Mudzimu a ṱarafa Vhaisiraele nga u ita uri vha tshimbile miṅwaha ya 40 sogani.

Mafheleloni, Yoshua a khethwa uri a range Vhaisiraele phanḓa a vha dzhenise shangoni ḽa Kanana. U vha thusa uri vha dzhie shango, Yehova a ita uri hu itee vhuṱolo. A ita uri Mulambo wa Yorodane u sa tsha elela, uri mbondo dza Yeriko dzi we, na uri ḓuvha ḽi ime ḓuvha ḽoṱhe. Nga murahu ha miṅwaha ya rathi, shango ḽa dzhielwa Vhakanana.

U thoma nga Yoshua, Isiraele o vha a tshi vhuswa nga vhahaṱuli miṅwaha ya 356. Ri guda vhanzhi vhavho, u katela na Baraka, Gideoni, Yefeta, Simisoni na Samuele. Ri vhala na nga ha vhasadzi vha ngaho Rahaba, Debora, Yaele, Ruthe, Naomi na Delila. Tshipiḓa tsha vhuraru tshoṱhe, tshi katela miṅwaha ya 396 ya ḓivhazwakale.