MBALI 3
Kulupuka ku Ukapolo wa ku Eguputo Mpaka Mwenye Jwandanda jwa Ayisalayeli
Musa ŵalongolele Ayisalayeli kutyoka ku ukapolo wa ku Eguputo kwawula ku Litumbi lya Sinayi, kweleko Mlungu ŵapelece malamusi gakwe. Kaneko, Musa ŵatumile acalume 12 kuja kukusonda cilambo ca Kanani. Nambo acalume 10 ŵayice ni ngani jakusakala. Ŵatendekasisye ŵandu kusaka kuwujilasoni ku Eguputo. Ligongo lya kunandipa kwa cikulupi cawo, Mlungu ŵapele cilango Ayisalayeli mwakwatendekasya kwenda mwipululu kwa yaka 40.
Pambesi pakwe, Yoswa ŵamsagwile kuti ŵalongolele Ayisalayeli kwinjila m’cilambo ca Kanani. Pakusaka kwakamucisya kusumula cilamboco, Yehofa ŵatesile yakusimonjesya. Jwalakwe ŵatendekasisye kuti mesi ga Lusulo lwa Yolodani gakajenda, mapupa ga ku Yeliko gagwe, lyuŵa lijime pamalo gamo lisiku lyosope. Yili yimasile yaka msano ni cimo, cilambo ca Kanani ŵacisumwile.
Kutandila pa Yoswa, ŵakwelusya ŵalamulile Ayisalayeli kwa yaka 356. Citulijiganye yejinji ya jemanjaji, mpela Balaki, Gidiyoni, Yefita, Samusoni, soni Samuyele. Cituŵalanjesoni ya acakongwe mpela Lahabu, Debola, Yayeli, Lute, Naomi, soni Delila. Mbali JATATU jeleji jikutagulila yayatendekwe mu yaka 396.
MU MBALI AJI
NGANI 35
Yehofa Akupeleka Malamusi Gakwe
Ana malamusi gaŵili gapi gagaliji gekulungwa pa malamusi likumi?
NGANI 36
Mwanace jwa Ng’ombe jwa Golidi
Ligongo cici ŵandu ŵaganicisye yakulambila cindu cakupanganyidwa kutyocela ku ndolo?
NGANI 38
Ŵakusonda 12
Ŵakusonda 10 akusala yine, ŵaŵili akusalasoni yine. Ana Ayisalayeli cakulupilile yapi?
NGANI 39
Simbo ja Aloni Jikusipuka Maluŵa
Ana mpaka yikombolece camtuli kuti citela cejumu cikoposye maluŵa soni yisogosi yejiwu lisiku limo?
NGANI 40
Musa Akuputa Lwala
Musa ŵapocele malipilo ga yaŵatesile, nambosoni ŵamtumbilikasisye Yehofa.
NGANI 44
Lahabu Akwasisa Asondi
Ana Lahabu ŵakamucisye camtuli acalume ŵaŵili, soni ana ŵaŵendile kuti camtendele cici?
NGANI 45
Komboka Lusulo lwa Yolodani
Cakusimonjesya cikutendekwa ŵambopesi pagambile kuliŵata m’mesi
NGANI 47
Jwawiyi mu Yisalayeli
Ana mundu jwakusakala jumpepe mpaka ayikasye yakusawusya kwa mtundu wosope?
NGANI 48
Agibeoni ŵalunda
Jemanjaji akumŵenda Yoswa soni Ayisalayeli kuti atende cilanga, m’yoyo Ayisalayeli akusunga cilangaci
NGANI 50
Acakongwe Ŵaŵili Ŵakulimba Mtima
Balaki ni juŵalongolele Ayisalayeli ku ngondo, sano ligongo cici Yayeli ni jwakupocela mnope ucimbicimbi?
NGANI 52
Gidiyoni ni Acalume 300
Mlungu ŵasagwile acalume kutyocela mu likuga lyamwana lya asilikali pakamulicisya masengo kamwe ka mesi.
NGANI 53
Cilangano ca Yefita
Cilangano caŵatesile Yefita kwa Yehofa nganicimkwaya Yefita jika nambo camkwayiyesoni mwanace jwakwe jwamkongwe.
NGANI 54
Mundu Jwamacili Mnope
Ana Delila jwatesile wuli kuti amanyilile mtemela wa macili ga Samusoni?
NGANI 55
Kamcanda Kakutumicila Mlungu
Mlungu ŵakamulicisye masengo Samuyele kuti akasale utenga wakogoya kwa Jwamkulungwa jwa Ŵambopesi Eli.
