¿KIMIMI chem ñimitungepel mapu mew feytichi pu che? Trangliñ femngey. Lig ngey, rüngelay ka pichi (püchü) tapül kechiley. Welu trangliñ no; ifali.

Rupafuy epe kiñe küyen müten ñi tripamum pu Israel che Egipto mu. Müleyngün ti wellin mapu mew. Feymu pichin iyael (yagel) tremkey, ka lladküyngün: ‘Kümeafuy taiñ langümetew Jewba Egipto mu. Üye mew ikefuyiñ tunten taiñ ayin.’

Feymu lle Jewba feypi: ‘Iñche mawünelan iyael wenu mew.’ Ka feychi dungu femi. Puliwen mew, pefilu pu Israel che tüfachi lig dungu nagpalu, ramtuwingün: ‘¿Chem am chi?’

Moyse feypi: ‘Tüfachi iyael Jewba elueymu tamün iyafiel.’ Tati pu che ‘MANA’ pifi engün. Ti mana kümekerkey rüngenochi kochi kofke reke dewmangey miel (mishki) mu.

‘Ñimitumün kiduke che ñi iyael,’ Moyse pifi ta pu che. Feymu lle, fill puliwen mu femkey engün tüfa. Fey mew, arele chi antü, ti mülewelu mana mapu mu lluwtukey.

Moyse ka feypifi: ‘Iney no rume mülelay ñi echelkünunoal mana ka antü ngelu.’ Welu kiñeke che femkarkeyngün müten. Feymu ¿kimimi chem dungu rupay? ¡Ka antü mu ti ellkawngechi mana, apoley piru mu ka weda nümüy!

Welu Jewba feypifi müley ñi ñimitual epu fentren mana kiñe antü ti semana mu. Fey ta kayu antü ngey. Jewba feypi: ‘Kiñe antü semana mew ñimituaymün epu fentren mana.’ Tüfa regle antü mu ürke. ‘Echelafimün kiñekentu ka antü, regle antü mu nakümlayan kiñe no rume.’ ¡Echelfilu ti mana feychi regle antü mu, apolayay piru mew ka nielayay weda nümün! ¡Feyta kakelu afman-ngechi dungu!

Fey mew kom tripantu mu mülerkeyngün tati pu Israel che wellin mapu mew, re mana ikeyngün.