KPOKO, kpoko! Yɛɛ waŋnda haa cho yɛ hoo tosaa? Nauwo nda cho naa sooloo ni. Le yɛɛ nda cho yɛ i vaa naa tosaa?

Mɛɛ Muuse viou o pembei choo tei, mi waŋnda dimi aa: ‘Ŋ sina nyɛ kɔ yɔŋnuŋ a Muuse wo le. Lelaŋ ŋ toosiaŋ mɛlɛka cheleŋ le mbo sim naa lachi miŋ faŋaŋ o lɛŋndeŋ niŋ.’

Mɛɛ mi Eelɔŋ bɛndoo Muuse dimi aa: ‘Ava. La sooluu kelaŋ ŋkooliŋ nyaŋ o lani mila chuu ya naŋ.’ Mɛɛ nda chuu ndu muŋ, mi Eelɔŋ teeŋgiaa muŋ mbo toosiaa nau ŋkooliiyo. Mi waŋnda lo okoŋ ma dimi aa: ‘Mɛlɛka naa cho hoo ni, o soli naa Ichipi wo!’ Mi Isɔluɛitiiya tosa dunyɛi bɛnduɛi pila, nduyɛ ma wa nau ŋkooliiyo hoo sooloo.

Mɛɛ Jɛhowa che hei mbo tuulu kɔl tau, mbo dimul Muuse aa: ‘Keleŋa pembei tolɔɔ chɔ chɔ, waŋnda haa cho suɛi wɔɔŋnde tosaa. A puɛɛnuŋ a sawala nilaŋ ma tunduŋ mɛlɛka nau ŋkooliiyo sooloo.’

Mi Muuse tual pembei chɔ chɔ. Mɛɛ o kandu fuuluu wo, mbo cha waŋnda nau ŋkooliiyo hoo balɔɔ a yolaŋ. A wa ndu lisaa kpeekpei a chondoŋ. Mi Muuse viɔl pouta yɛndɛla wa ndu o ba laŋ lɛŋ kpɔl a kɔl tuu koŋ, mi la pesiŋ wɔ wɔ. Mbo chua nau ŋkoolii nda toosiaa koŋndo mbo teeŋgiaa, okoŋ mbo chuii ndu mulu mulu.

Suɛi wɔɔŋnde pila waŋnda haa tosa ni. Le hei, mi Muuse dimul puaa kɛsuŋ kalaa atiŋ le ma chua mɔɔŋ ndaŋ. Mi Muuse dimi aa: ‘La dii wana o wana sooluu mɛlɛka nau ŋkoolii koŋ.’ Waŋnda 3,000 puaa haa dii paaleleŋ ni! Hei cho naa chɔmndo maa Jɛhowa kinɛi naŋ piɛi ni. Ŋ nɔ miŋ sooluu mɛlɛka o mɛlɛka cheleŋ te.