AYE, AYE! Yinke vana kurugana vantu ngesi? Awo kuna kukanderera ntana! Morwasinke vana kuyiruganena eyi?

Mosesa apa ana kara kondundu siruwo sosire, vantu tava tanta asi: ‘Ose kapi tuna diva eyi yina ka gwana Mosesa. Tu ruganeni karunga ogu na tu pitisira a tu guse mosirongo esi.’

MukurwaMosesa Arona makura ta tanta asi: ‘Ewa. Guseni yimbilingwa yeni yongorodo mu yi rete kwange.’ Vantu apa vana yi reta, Arona makura ta yi hemuna a rugane ntana zongorodo. Vantu makura tava tanta asi: ‘Ogu yige Karunga gwetu ogu ga tu gusa moEgipite!’ Vaisraelimakura tava kara nosipito sosinene, oku tava karere ntana zongorodo.

Jehova apa ana yi mono eyi, ta handuka unene. Makura ta tantere Mosesa asi: ‘Genderera kuhumburuka. Vantu kuna kurugana udona wounene. Awo vana divara noveta dange makura yiyo vana kutongamena ntana zongorodo.’

Mosesa ta genderere kuhumburuka kondundu. Ano apa ana ya siki pepi, ta mono eyi. Vantu kuna kudimba oku tava dana va kundurukide ntana zongorodo! Mosesa ta handuka sili makura ta zuguma yitafura yomamanya yivali eyi va tjenge noveta, tayi tavauka yi kare yiruhatji yoyinzi. Ta gusa ntana zongorodo nokuzihemuna. Makura ta zi myona usura-sura.

Vantu vana rugana sininke sosidona unene. Mosesa makura ta tantere vagara vamwe va guse nomfuro dawo. Mosesa ta tanta asi: ‘Vantu wovadona ava vana kanderere ntana zongorodo va kona kufa.’ Vagara makura tava dipaga vantu 3 000! Nani eyi kapi yina kulikida asi ose twa hepa kutakamesa asi tu karere Jehova gelike, kapisi nkenye vakarunga woyimpempa?

Exodus 32:1-35.