HE IN hi enge ni i hria em? Jehova biakna tur puan in bik a ni. Biakbuk vuah a ni bawk. Mipuiin Aigupta an chhuahsan hnu kum khatah sak zawh a ni a. Tu ngaihdana sak nge ni i hria em?

Jehova ngaihdan a ni. Tlang chunga Mosia a awm lai khan sak dan tur Jehovan a hrilh a. Awlsam taka lak hran theih tura siam turin a hrilh a. Chutichuan lak hran a hmun danga kalpui a, chutah chuan rem khawm leh theih a ni ang. Tichuan thlalera Israel-mite hmun tina an insawnin puan in chu an kalpui zel a.

Puan in tawpa pindan te tak te chhung i en chuan, thingrem emaw bawm emaw i hmu thei a. Hei hi thuthlung bawm vuah a ni. A hmawr tawp ve veah rangkachaka siam vantirhkoh emaw cherub emaw pahnih a nei a. Mosian a hmasa pahnihte a tihkeh vangin Thu Sawm Pek chu Pathlanin lung phek pahnihah a ziak leh a. Chung lungte chu thuthlung bawm chhungah dah an ni a. A chhungah chuan manna bel dah a ni bawk. Manna chu enge ni i la hrereng em?

Mosia unaupa Arona chu Jehovan puithlam lal ni tura a thlan chu a ni a. Jehova biakbukah mipuite chu a hruai a. Tin a fate pawh puithlam an ni ve a.

Puan ina pindan lian zawk hi en teh. Pindan te tak te let hniha zau a ni. Meikhu chhuahna thingrem emaw bawm emaw hi i hmu em? Hei hi puithlamten rimtui an vuah thil rim tui tak an halna maicham chu a ni. Tin khawnvar pasarih nei khawnvar dahna a awm a. Pindana thil pathumna chu dawhkan a ni. A chungah chhang tlang 12 dah a ni.

Biakbuk kawt zawlah chuan thleng kum emaw maihun lian pui tuia khat i hmu thei a. Puithiamten insil nan an hmang thin. Maicham lian pui pawh a awm a. Chutah chuan Jehova hnena thilhlan atan ran thi tawhte hal an ni. Puan in chu riah hmun lai takah a awm a, a velin puan inah Israel-mite chu an cheng a.