HENG mite thei rah zawn hi en teh. Kha grep bawr lenzia kha en teh. Mi pahnihin tianga an zawn khawp a ni. Tin theipuite leh theibuhfaite en la. Heng thei rah mawi tak hi khawia mi nge ni? Kanaan rama mi a ni. Kanaan chu Abrahama, Isaka leh Jakoba te chen tawhna kha a ni tih hrereng la. Mahse chutah chuan tam a tlak avangin Jakoba chu a chhungte nen hmu chhuak ang che u,’ tiin a hrilh a. hmu chhuak ang che u,’ tiin a hrilh a. Aigupta-ah an pem lut a. Tunah, kum 216 hnuah, Israel-mite chu Mosian Kanaan-ah a hruai mek a ni. Thlalerah Kades an tih hmun chu an lo thleng ta a.

Kanaan-ah chuan mi tha loho an cheng a. Chuvangin Mosian enthlatu 12 a tir chhuak a, an hnenah: ‘Chutah chuan mi engzahnge cheng a, eng tluka chak nge an nih va hmu chhuak rawh u. A lei chu thil chin nana tha a nih leh nih loh te va ula. Tin thei rah thenkhat rawn hawn ngei ngei

Kades-a enthlatute an lo kir leh chuan, ‘Ram tha a ni tak tak e,’ tiin Mosia an hrilh a. Tihfiah nan, Mosia chu thei rah thenkhat an hmuhtir a. Mahse enthlatute zinga 10-te chuan: ‘Chuta mi chengho chu an lianin an chak a, Ram chu lak kan tum chuan min that vek mai ang,’ an ti a.

Chu chu an hriatin Israel mipuite chuan an hlau va. Aigupta-ah emaw heta thlalerah pawh hlan emaw lo thi ta ila a tha zawk tur a ni a. Indonaah tihhlum kan ni ang a, kan nupuite leh kan fate chu man an ni ang. Mosia aiah hruaitu thar i thlang ang u khai, Aigupta-ah i kir leh ang u,’ an ti a.

Mahse enthlatute zinga pahnihte chuan Jehova an rinchhan a, mipuite chu beng daih an tum a. An hming chu Josua leh Kaleba an ni. ‘Hlau suh u. Kan hnenah Jehova a awm a lawm. Ram chu lak a awl khawp ang,’ an ti a. Mahse mipuite chuan an ngaithla lo va. Josua leh Kaleba chu tihhlum an duh hlal a.

Chu chuan Jehova a tithinur em em a, ‘Mipuite zinga kum 20 leh a chung lam tumah Kanaan an lut lovang. Aigupta-ah leh thlalera ka thilmak tihte chu an hmu tawh a, mahse mi rinchhan chuang lo va. Chuvangin mi hnuhnung ber a thih hma loh chuan thlalerah kum 40 an vakvai ang. Josua leh Kaleba chauh Kanaan an lut ang,’ tiin Mosia a hrilh a.