HETIANG tiang chawr atanga vaiumkhal hmin leh par hi en teh. Hei hi Arona tiang a ni. Heng pangparte leh thei rah hmin hi zan khat chhungin Arona tiang atangin a chawr a ni. A chhan i en ang u.

Tunah chuan Israel-mite chu thlalerah an vakvai tawh a. Mipuite zinga thenkhatin hruaitu ni tur leh Arona chu puithlam lal ni turah an ngai lo va. Chutiang zawnga ngaihtuahtu pakhat chu Kora a ni a, Dathana, Abirama leh mipuite hruaitu 250 pawh an ni ve a. Chungte chu an lo kal vek a, Mosia hnenah: ‘Engvanginnge kan chunga i indah?’ an ti a.

Mosian Kora leh a zuitute a hrilh a: ‘Naktuk zingah mei lakna la ula, rimtui phul rawh u. Tin Jehova biakbukah lo kal ula. Jehovan tunge a thlan kan hmu ang,’ a tiin.

A tukah Kora leh a zuitu 250-te chu biakbukah an lo kal a. Chung mite chu thlawp turin mi tam tak an lo kal bawk a. Jehova a thinur em em a. Mosia chuan: ‘Heng mi tha lote puan in atang hlan kiang rawh u. An ta engmah tawk suh u,’ a ti a. Mipuite chuan an ngaithla a, Kora, Dathana leh Abirama puan in ata an kal sawn a.

Tin Mosian: ‘Jehovan tunge a thlan tih hei hlan in hria ang. Lei a inhawng ang a, heng mi tha lote hi a lem ang,’ a ti a.

Mosian a sawi zawh veleh, lei a inhawng a. Kora puan in leh a thil neihte leh Dathana leh Abirama leh an hnena awmte chu an pil ta vek a, an chungah lei chu a chip leh a. Mipuiin leia pilte au thawm chu an hriatin, ‘Tlan rawh u! Leiin min lem ve ang e, tiin an au va.

Kora leh a zuitu 250-te chu biakbuk kiangah an la awm a. Tichuan Jehovan mei a tir a, an vaiin an kang vek a. Tin Jehovan Arona fapa Eleazara hnenah mi thi tawhte mei lakna chu la tur leh, chu chu maicham khuh nan phek pan taka siam turin a hrilh a. Chu maicham khuh chu Arona leh a fapate chauh lo chu tumah Jehova tan puithlam angin an che tur a ni lo tih Israel-mite vaukhanna tur a ni.

Jehova chuan puithlam ni tura a thlante chu Arona leh a fate an ni tih tihchlan em em a duh a. Chuvangin Mosia hnenah: ‘Israela hnam tin hruaitute theuh chu an tiang rawn kentir theuh rawh. Levia chi tan chuan, Arona a tiang rawn kentir rawh. Tin chung tiangte chu biakbukah thuthlung bawm hmaah dah theuh ang che. Puithiama ka thlana tiang chu a par ang,’ tiin a hrilh a.

A tuk zinga Mosian a en chuan, e, Arona tiang chuan a chawr atangin heng pangparte leh vaiumkhal hminte hi a nei a. Chuvangin Jehovan Arona tiang a partirna chhan i hre tawh em?