¿LA QASTZIJ wajun kumätz kʼo chirij ri cheʼ? Qastzij täj. Xa bʼanom che chʼichʼ. Ri Jehová xubʼij che Moisés che kuyik chikaj rech kkil ri winaq tekʼuriʼ kekam täj. Ri nikʼaj chik kumätz, e kʼo pulew, e qastzij. Xketiʼ ri winaq rumal laʼ e yawabʼ ri winaq. ¿La awetaʼm suche?

Are rumal che ri täq israelitas kʼäx xechʼaw chirij ri Ajawaxel xuqujeʼ chirij ri Moisés. Are xkebʼij wariʼ: ‹¿Suche xojawesaj lo Egipto rech kojkam waral pa chaqiʼj ulew? Kʼot ktijowik waral, xuqujeʼ kʼot jaʼ. Kqaj ta chik kqatij maná›, xechaʼ.

Tekʼuriʼ ri maná jun utzalaj wa. Are ri Jehová xuya chike. Xuqujeʼ ri jaʼ are ri Ajawaxel xuya chike. Tekʼuriʼ ri winaq xkemaltyoxij täj che ri Ajawaxel xeʼuchajij. Rumal laʼ Jehová xutaq lo wa täq kumätz venenosas, rech xubʼan kʼäx chike ri israelitas. Ri täq kumätz xketiʼ ri winaq, tekʼuriʼ kʼi chike xekamik.

Kʼisbʼal re ri winaq xepe rukʼ ri Moisés, tekʼuriʼ xkebʼij che: ‹Xojniman ta che ri Jehová xuqujeʼ chawe at. Chata che Jehová che kresaj wa täq kumätz›.

Rumal laʼ ri Moisés xubʼan chʼawem rukʼ Jehová pa kiwiʼ. Rumal laʼ ri Jehová xubʼij che Moisés che kubʼan jun kumätz rukʼ chʼichʼ. Xubʼij che kuya puwiʼ jun cheʼ, tekʼuriʼ jachin xtiʼ rumal jun kumätz kril ri jun kumätz bʼanom che chʼichʼ. Moisés xubʼan chike xubʼij Ajawaxel che. Jachin täq xetiʼ rumal kumätz venenosas xkil ri kumätz bʼanom che chʼichʼ rumal waʼ kekam täj.

Chirij ronojel wariʼ kuya jun kʼutunem chaqe. Che qonojel öj junam rukʼ ri israelitas, che ojtiʼom rumal ri täq kumätz. Awilom che konojel ri winaq kkebʼan riʼj, kʼo yabʼij chike tekʼuriʼ kekamik. Wariʼ rumal ri nabʼe achi Adán rukʼ ri nabʼe ixoq Eva, che xeniman ta che Jehová, öj qonojel ojkalkʼwal. Tekʼuriʼ ri Jehová xuya jun bʼe chaqe rech kʼo jun qakʼaslemal che kʼot ukʼisik.

Jehová xutaq lo ri ukʼojol ubʼiʼ Jesús cho ruwäch ulew. Jesús xkam chuwäch jun cheʼ, rumal che e kʼi täq winaq xkebʼij che xa jun itzel winaq. Rumal laʼ ri Jehová xuya ri Jesús rech kojukʼolo. We kqil su xubʼan Jesús xuqujeʼ kqabʼan qe, kojkunik kʼo na jun qakʼaslemal che kʼot ukʼisik. Kqetaʼmaj na chirij wariʼ.