ISRAEL-MITE ruala Kanaan-a luh Mosian a duh a. Chuvangin: ‘Jordan Luipui mi kantir la, Jehova, ram tha chu mi hmuhtir rawh,’ tiin a ngen a. Mahse Jehovan: ‘Chu chu a tawk e! Hei hi sawi leh tawh suh!’ a ti a. Engvangin-nge Jehovan chutia a tih hria em?

Mosian lungpui a vuak laia thil lo nih dan avangin a ni. Amah leh Aronan Jehova an chawimawi loh kha hrereng la. Lungpui atanga tui chhuahtirtu chu Jehova a ni tih mipui an hrilh lo va. Chumi avang chuan Kanaan a luhtir dawn lo Jehovan a ti a ni.

Tichuan Arona thih hnu thla tlem teah, Jehovan Mosia a hrilh a: ‘Josua hruai la, puithlam Eleazara leh mipui hmaah dintir rawh. Chutah chuan an vaia hmaah, Josua chu hruaitu thar a ni tih mi tin hrilh rawh,’ tiin. Milema i hmuh ang hlan, Jehova sawi ang chlahin Mosian a ti a.

Tin Jehovan Josua a hrilh a: ‘Chak la, hlau suh. Israel-mite chu Kanaan ram, an hnena ka lo tiam tawhah chuan i hruai lut ang a, tin i hnenah ka awm ang,’ tiin.

A hnuah Moab rama Nebo Tlang chhipa lawn turin Jehovan Mosia a hrilh a. Chutatang chuan Mosian Jordan Luipui en khumin Kanaan ram mawi tak chu a hmu thei a. Jehovan: ‘Hei hi Abrahama, Isaka leh Jakoba fate hnena pek ka tiam tawh ram chu a ni. Mahse ka luhtir lovang che,’ a ti a.

Chuta Nebo Tlang chhipaah chuan Mosia chu a thi ta a. Kum 120 a ni. A la chak a, a mit a la tha a. Mosia a thih vangin mipuite chu an lungngai em em a, an tap, an tap a. Mahse an hruaitu thara Josua an nei chu an lawm a.