ENGIN nge heng Jeriko bangte hi tichim? Bomb lian puia den fuh ang mai a ni. Mahse chung lai chuan bomb an nei lo; silai pawh an nei lo. Jehova thiltihmak dang a ni. A nih dan i hria ang u.

Jehovan Josua enge a hrilh ngaithla teh: ‘Nang leh i raldo mite hlan khawpui in kal hual tur a ni. Ni ruk chhungin ni tin vawi khat kal hua! ula. Thuthlung bawm zawn ang che u. A hmaah puithlam pasarih an kal ang a, tawtawrawt an haro tur a ni.

Ni sarih niah khawpui chu vawi sarih in kal huai tur a ni. Tin tawtawrawtte sei takin haro ri ula, mi tin raldo hla nasa takin autir ang che. Tichuan bangte an chim vek ang,’ a ti a.

Josua leh mipuite chuan Jehova sawi ang chuan an ti a. An kal lai chuan mi tin an ngawi thap a. Tumahin tawngkam khat mah an sawi lo. Hriat theih awm chhun chu tawtawrawtte leh ke pen rite chauh a ni. Jeriko-a Pathlan mite hmelmate chuan an hlau ngei ang. Tukverha hrui sen inkhai saw i hmu thei em? Saw saw tu tukverh nge ni? E, enthlatu pahnihin ti tura an hrilh kha Rahabin a ti ta a nih saw. A chhungte zawng zawng chu amah nen a chhungah nghakin an awm.

A tawpah, ni sarih niah, khawpui vawi sarih an kal huai hnuah, tawtawrawtte an haro ri a, raldo mite an au va, kulh bangte chu a chim ta a. Josua chuan: ‘Khawpuia mi tihlum ula, ha! rawh u. Thil tinreng ha! vek rawh u. Tangkarua, rangkachak, darsen leh thir chauh zuah ula, Jehova puan in tangka dahnaah pe rawh u,’ a ti a.

Enthlatu pahnihte hnenah, Josuan: ‘Rahabi inah lut ula, amah leh a chhungte zawng zawng rawn hruai chhuak rawh u,’ a ti a. Enthlatuten thu an tiam ang ngeiin Rahabi leh a chhungte chu chhandam an ni ta a.