HE MIIN a puan ina a phum hi en teh! Puan mawi tak, leh rangkachak tlawn leh tangkaraw nawi thenkhat a ni. Jeriko khawpuia mi a la a. Mahse Jeriko-a thilte chu engtia tih tur nge ni kha? I la hrereng em?

Tihboral tur an ni a, tin rangkachak leh tangkarua chu J ehova biakbuk tangka dahnaa pek tur a ni. Chuvangin heng mite hlan Pathlan thu an awih lo a ni. Pathlan ta an ru a ni. He pa hming hi Akana a ni a, a hnena awmte hi a chhungte thenkhat an ni a. Enge lo ni ta zel i en ang u.

Akanan chung thilte a ruk hnu chuan Ai khawpui do turin Josuan mi thenkhat a tir chhuak a. Mahse indonaah hnehin an awm a. Thenkhat tihhlum an ni a, a dang an tlan bova. Josua chu a lungngai em em a. A hmaia lei siin a bawk a, Jehova hnenah a tawngtai a: ‘Engvanginnge kan chungah hei hi i thlentir?’ tiin.

Jehova chuan: ‘Tho rawh! Israel a sual tawh. Thil thenkhat, tihboral tur emaw Jehova biakbuka pek tur emawte an la a. Puan mawi tak an ru a, a rukin an kawl a. Chung thil latu leh puan chu i tihboral hma loh chuan mal ka sawm lovang che,’ tiin a chhang a. Jehova chuan chu mi tha lo chu tunge ni tih Josua a hmuhtir ang tih a sawi a.

Tichuan Josuan mipui zawng zawng a khawm vek a, Jehovan mi tha lo Akana chu a thlang chhuak a. Akana chuan: ‘Ka sual a ni. Puan mawi tak leh rangkachak tlawn leh tangkaraw nawite ka hmu a. Ka duh em a, ka la ta a. Ka puan in chhunga phum in hmu ang,’ a ti a.

Chung thilte chu an hmuh a, Josua hnena an rawn lak chuan, ani chuan Akana hnenah: ‘Engvanginnge kan chungah buaina i thlentir? Tunah i chungah Jehovan buaina a thlentir ang!’ a ti a. Chu veleh mipui zawng zawngin Akana leh a chhungte chu lungin an deng hlum a. Chu chuan kan ta ni lo thilte chu kan la ngai tur a ni lo tih a tilang lawm ni?

A hnuah Ai do turin Israel an kal chhuak leh a. Tun tum chu Jehovan a mipui a tanpui a, indona chu an hneh ta a.