Oku Iri Asi Okpo Be ’Diyi
A’DIKO 50
Oku Iri Asi Okpo Be ’Diyi
’BA ISRAELINI ’diyi ni candi isuzu ’boria, eyi nga awu wu Yehova vu. Yehova omvi eyi erini eyi dri driceba asi okpo be ’diyi fele eyi ma aza kozu risi. Biblia omve drice’ba ’diyi ’ba e’yo lipi ’diyi. Yosua ni ndra ’ba e’yo lipi okori i, ba azi e’yo lipi eri ma vu tia ’diyi Otinieli pi, Ehudi pie, azini Samigari pie. Te ’ba iri Israeli ma aza kopi ’diyi oku omvele Debora i ri pi Yaeli be.
Debora ni nabi ni. Yehovani eri ni e’yo drile dale ’diyi olu, eri di vini e’yo Yehovani ’yole ’diyi olu ’ba yi dri. Debora ni vini ’ba e’yo lipi ri i. Eri ri mbira pati ma etia angu oni be ri ma alia, ’ba eyi emu erivu azakoza isuzu candi eyi obipi ’diyi si.
Ewu ’disi, Yabini ni deresi opiru Kanania ni. Ovu akanya a’di ni ’diyi pie 900. Eri ma ’ba a’di ’dipi ’diyi okporu fe ani ’ba Israelini kakau ’diyi ni ecazu Yabini ma ati’bo ru. Ambo ’ba a’di ’dipi opi Yabini niri ma ru Sisera i.
O’du alu Debora nga ’ba e’yo lipi Baraki ma ti pe nga ’yo eri ni kini: ‘Yehova ’yo ’dini: “Mi ma ’du ’ba 10,000 mi ma ce eyi ma dri oni Tabori ma dria. Ma nga Sisera ni iji mivu. Ma nga fe mini eri ndezu ’ba a’di ’dipi eri vile ’diyi pie ra.”’
Baraki nga ’yo Debora tia: ‘Ma nga mu ra mi ka mu mabe indi ria.’ Debora nga mu ra, te nga ’yo Barakini: ‘Mi cani a’di ’diri nde ku, a’dusiku Yehova ni nga Sisera ni fe oku ma dria.’ Nga i’ye trotro ’dile.
Baraki nga isi va engazu Oni Tabori ma dria si dri fuzu asikari Sisera vile ’diyi pie. Coti Yehovah nga fe yi ni tizu, ani asikari ngaki avu dria. Te Sisera nga esi akanya a’di ’dizu ri ma dria si apa ra.
’Da ma vutia Sisera nga imu hema Yaeli ni ma alia. Nga eri a’i rizu hema alia, fe eri ni lesu mvuzu. ’Di fe o’du nde eri saaru, coti nga o’du ko ra. Yaeli nga pati hema sozuri ’du eri pazu ’ba onzi ’diri ma dria. ’Da ma vu tia, Baraki ka mu eca ’bo, nga eri ni Sisera ma avu eda! Mi eco ndre ra e’yo Debora ni yole ’diri eca adaru.
Asizu Opi Yabini ri ’ba nga eri ’di indi, ’ba Israelini nga dri wala isu were dika.
