BIBLE-ah Ruthi lehkhabu i hmu ang. Israel-in roreltute an neih laia chhungkaw pakhat chanchin a ni. Ruthi chu Moab rama nula a ni a; Pathlan hnam Israel-a mi a ni lo. Mahse Ruthin Pathlan dik Jehova chanchin a hriatin, a duh ta em em a. Naomi chu Jehova chanchin hre tura Ruthi tanpuitu hmeichhe upa zawk a ni.

Naomi chu Israel mi hmeichhla a ni a. Israel-ah ei tur tlemte a awm laiin amah leh a pasal leh fapa pahnih Moab ramah an pem a. Ni khat chu Naomi pasal a thi ta a. A hnuah Naomi fapate chuan Moab -mi nula pahnih, Ruthi leh Orpi chu nupuiah an nei a. Mahse kum 10 vel hnuah, Naomi fapa pahnihte chu an thi a. Naomi leh nula pahnihte lungngaihzia chu! Naomin enge a tih tak ang?

Ni khat chu Naomin ama mite hnen hla taka haw a relthlu ta a. Ruthi leh Orpi chuan a hnena awm an duh a, chuvangin an kal ve a. Mahse kawnga thui fe an kal hnuin, Naomin nulate lam a hawi a: ‘Haw ula, in nute hnenah awm rawh u,’ a ti a.

Naomin nulate chu fawpin a chibai a. Chu veleh Naomi an hmangaih em em avangin an tap ta a. ‘Ni lo ve! I mite hnenah i malin kan kal ang,’ an ti a. Mahse Naomi chuan: ‘ln haw tur a ni, ka fanute u. lna awm in tan a tha zawk ang,’ tiin a chhang a.

Tichuan Orpi chu a haw ta a. Mahse Ruthi chu a haw lo va. Naomin a lam a hawi a: ‘Orpi chu a haw tawh a. Nang pawh a malin haw ta che,’ a ti a. Mahse Ruthi chuan: ‘Hawsan tur chein mi tir suh! I hnenah mi kaltir rawh. I kalna hmunah ka kal ang a, i chenna hmunah ka cheng ang. I mite chu ka mite an ni ang a, tin i Pathlan chu ka Pathlan a ni ang. I thihna hmunah ka thi ang a, chumi hmun chu phum ka nihna hmun a ni ang,’ tiin a chhang a. Ruthin chutia a sawi chinah chuan Naomin hawtir a tum leh tawh lo va.

A tawpah hmeichhe pahnih chuan Israel an thleng a. Chutah chuan cheng turin awmhmun an khuar ta a. Buh sanghar seng hun a nih vangin Ruthi chu lovah a thawk nghal a. Tin mipa pakhat a hming Boaza chuan a lovah buhsanghar a sengtir a. Boaza nu chu tunge ni i hria em? Jeriko khawpuia Rahabi kha a m.

Ni khat chu Boaza chuan: ‘I chanchin zawng zawng leh Naomi chunga i ngilneihzia ka hre tawh a. I pa leh i nu leh i ram i kalsan dan leh tun hmaa i hriat ngai loh mite hnena cheng tura i lo kalzia pawh ka hria. I chungah Jehova tha rawh se!’ tiin Ruthi a hrilh a.

Ruthi chuan: ‘Ka chungah ngil i nei em em mai, ka pu. Ka hnena i tawng dan tha hlan ka awm a tinuam khawp mai,’ tiin a chhang a. Boaza chuan Ruthi chu a duh em em a, rei vak lovah an innei ta a. Chu chuan Naomi a tihhlimzia chu! Mahse Ruthi leh Boazan an fapa hmasa, Obeda an neihin Naomi chu a hlim lehzual a. A hnuah Obeda chu, a chanchin tam tak kan la hriat tur Davida pu a lo ni a.