THAWNTHU 52
Gideona leh A Mi 300-te
HETAH hlan enge lo ni i hmu em? Hengte hi Israel rai do mi vek an ni. Kun mekte hlan tui an in a ni. Roreltu Gideona chu an kianga ding mipa hi a ni a. An tui in dan a en a ni.
Miten tui an in dan danglam hi en ngun teh. Thenkhat chuan tui nena an hmai insiin an dawt a. Mahse pakhat chuan a velah enge awm tih en pah thei turin a kutin tui a suak a. Tui in chhunga inveng te chauh thlang turin Jehovan Gideona a hrilh avangin hei hi a pawimawh a ni. A dang chu Pathlanin hawtir tur a ti a. Engvanginnge i en ang u.
Israel-mite chu an buai nasa leh a. A chhan chu Jehova thu an awih loh vang a ni. An chungah Midian mipuiten thuneihna an nei a, anmahni an tina a. Chuvangin Israel-mite chuan Jehova hnenah tanpui an dil a, Jehovan an au ri a ngaithla a.
Sipai rual nei turin Jehovan Gideona a hrilh a, tichuan Gideonan raldo mi 32,000 a ko khawm a. Mahse Israel do turin mi 135,000 sipai rual an awm a. Chuti chung pawh chuan Jehovan: ‘Mi i nei tam lutuk,’ tiin Gideona a hrilh a. Engvanginnge Jehovan chu chu a sawi?
Israel-in indona a hneh chuan, anmahni ngeiin an hneh nia an rin theih vang a ni. Hneh turin Jehova tanpui an ngai lo tih an ring thei a. Chuvangin Jehovan Gideona hnenah: ‘A hlau zawng zawng haw turin hrilh rawh,’ a ti a. Gideonan a hrilh chuan raldo mi 22,000 an haw a. Tichuan chung sipai 135,000-te do turin mi 10,000 chauh a nei ta a.
Mahse ngaithla teh! Jehovan: ‘Mi i la nei tam lutuk fo, ‘ a ti a. Tichuan he luiah hlan a mite tui intir tur leh, tui in tura an hmai tui siktirtuho zawng zawng hawtir turin Gideona a hrilh a. ‘Tui in paha inralring mi 300 nen hlan hnehna ka pe ang che,’ tiin Jehovan a tiam a.
Indo hun a thleng ta a. Gideona chuan a mi 300 chu ho thumah a dah a. Mi tin hnenah tawtawrawt leh a chhunga meichher awmna bel a pe theuh va. Zanlai vel a nihin hmelma sipaite riahbuk velin an kal khawm a. Tichuan a rualin an tawtawrawt an ham a, belte an tikeh a, ‘Jehova leh Gideona ngunhnam,’ tiin an au va. Hmelma sipaite an harh chuan, an hamhaihin an hlau va. An tlan ta vek a, Israel-miten indona chu an hneh ta a.
Rorêltute bung 6 aṭanga 8.
