53-нҗи хекая

Ефтахың берен сөзи

СЕН бирине сөз берип, соңра болса сөзүңде дурмак кын болупмыды? Шу суратдакы адам билен хем шейле болды. Шонуң үчинем ол гамгын гөрүнйәр. Ол Ысрайылың Ефтах атлы эдермен казысы.

Ефтахың яшан дөврүнде ысрайыллылар Ехова сежде этмейәрди. Олар ене-де эрбетлик эдйәрди. Шонуң үчин Ехова аммонлыларың олара зыян етирмегине ёл берйәр. Шонда ысрайыллылар Ехова: «Биз гүнә этдик. Хайыш эдйәрис, бизи халас эт!» дийип ялбаряр.

Адамлар эрбет иш эдени үчин гынанярлар. Шонуң үчин олар ене-де Ехова сежде эдип башлаярлар. Ехова бу гезегем олара көмек эдйәр.

Аммонлылара гаршы сөвешмәге халк Ефтахы сайлаяр. Ефтах бу сөвешде Ехованың көмек этмегини ислейәр. Шонуң үчинем ол Ехова: «Эгер сен маңа аммонлылары еңмәге көмек этсең, онда өйүмден чыкан илкинҗи адамы саңа берерин» дийип сөз берйәр.

Ехова Ефтахың берен сөзүни эшидйәр. Оңа сөвешде еңиш берйәр. Ефтах доланып геленде, оны гаршыламага илкинҗи кимиң чыканыны билйәңми? Онуң гызы. Ол онуң екеҗе чагасыды. Ефтах аглап: «Вах, гызым! Сен мени гаты гынандырдың. Йөне мен Ехова сөз бердим. Оны ызына алып билҗек дәл» диййәр.

Ефтахың гызы онуң берен сөзи барада эшиденде, башда гынаняр. Себәби ол какасыны ве җораларыны ташлап гитмелиди. Йөне ол галан өмрүни Шилодакы чадырда Ехова гуллук эдип гечирер. Шонуң үчин ол какасына: «Эгер сен Ехова сөз берен болсаң, сөзүңде дурмалы» диййәр.

Ефтахың гызы Шило шәхерине гидйәр. Галан өмрүни Ехованың чадырында гуллук эдип гечирйәр. Ысрайыл гызлары хер йылда дөрт гүн онуң янына гелип, вагтларыны шатлыклы гечирйәрлер. Халк Ефтахың гызыны говы гөрйәр, себәби ол Ехова йүрекден гуллук эдйәр.

Казылар 10:6—18; 11:1—40.