Һиссә 4
Исраилин биринҹи падшаһындан Бабил әсарәтинәдәк
Шаул Исраилин биринҹи падшаһы олур. Амма Јеһова ону рәдд едиб, әвәзинә Давуду падшаһ сечир. Давуд һаггында һәлә чох шеј өјрәнәҹәјик. О ҝәнҹ оларкән нәһәнҝ дөјүшчү Голјаты мәғлуб едир. Бир гәдәр сонра ҹаныны гуртармаг үчүн пахыл падшаһ Шаулдан гачыр. Сонра ҝөзәл Авигаил ону ган төкмәкдән чәкиндирир.
Биз һәмчинин Исраилин үчүнҹү падшаһы, Давудун оғлу Сүлејман һаггында да өјрәнәҹәјик. Бу үч падшаһын һәр бири Исраилдә 40 ил һөкмранлыг етмишдир. Сүлејманын өлүмүндән сонра Исраил ики падшаһлыға — шимал вә ҹәнуб падшаһлығына бөлүнүр.
Онгәбиләли шимал падшаһлығы ашшурлулар тәрәфиндән мәһв едиләнәдәк 257 ил һөкм сүрмүшдүр. Бундан 133 ил сонра, икигәбиләли ҹәнуб падшаһлығы да сүгута уғрајыр. Бу дәфә Исраил халгы Бабилә әсир апарылыр. Беләликлә, ДӨРДҮНҸҮ ҺИССӘ тарихин 510 илини әһатә едәрәк ҝөзүмүзүн өнүндә бир чох һәјәҹанлы һадисәләри ҹанландырыр.
БУ БӨЛМӘДӘ
ҺЕКАЈӘ 56
Шаул Исраилин биринҹи падшаһы олур
Аллаһ тәрәфиндән әввәлҹә сечилән, сонрадан исә рәдд едилән Шаулун һадисәсиндән ваҹиб дәрс ҝөтүрә биләрик.
ҺЕКАЈӘ 59
Давуд гачмаға мәҹбур олур
Шаул әввәлҹә Давуду чох бәјәнирди, сонрадан исә она гаршы чох пис пахыллығы јаранды. Нијә?
ҺЕКАЈӘ 60
Авигаил вә Давуд
Авигаил әрини ахмаг адландырмагла мүвәггәти дә олса онун һәјатыны хилас едир.
ҺЕКАЈӘ 61
Давуд падшаһ олур
Давуд етдији ишләрлә сүбут етди ки, о, Исраилин падшаһы олмаға лајигдир.
ҺЕКАЈӘ 62
Давудун аиләсиндә бәдбәхтлик баш верир
Давудун бир сәһви өзүнә вә аиләсинә узун илләр бәдбәхтлик ҝәтирди.
ҺЕКАЈӘ 67
Јеһошафат Јеһоваја ҝүвәнир
Орду нәјә ҝөрә дөјүшә силаһсыз нәғмә охујанларын јолу илә ҝетмишди?
ҺЕКАЈӘ 70
Јунус вә бөјүк балыг
Јунус Аллаһын дедикләрини јеринә јетирмәклә бағлы ваҹиб дәрс өјрәнди.
ҺЕКАЈӘ 74
Мәрд адам
Јеремја пејғәмбәр оланда ҝәнҹ олса да, Аллаһ билирди ки, о, бу ишин өһдәсиндән ҝәләҹәк.
ҺЕКАЈӘ 76
Јерусәлим виран едилир
Нәјә ҝөрә Аллаһ исраиллиләрин дүшмәни олан бабиллиләрә Јерусәлими мәһв етмәләринә иҹазә верди?
