Furumiñeti urúei Ísüraeli darí adaürǘni Babilónia
Fánreinti 4
Furumiñeti urúei Ísüraeli darí adaürǘni Babilónia
Chülüti Saulu lun furumiñetime urúei Ísüraeli. Gama lumoun máhati Heowá lun, ábati lanuadirún Dawidi lun ligíaba lan urúei leweñegua Saulu. Akutihatiwa bandi katei luagu Dawidi. Dan le nibureingili, ageindaguati luma Goliadi le hígandei. Lárigiñe anurahati luéi urúei Saulu le gimugabei. Ábati terederuni Awigaili Dawidi luéi ladügün aban libidiounigan aau.
Lárigiñe, wafurendeiruba giñe bandi katei luagu Salomón, le liráü Dawidi, le arúeihabei Ísüraeli leweñegua Dawidi. Ha furumiñetiñu ǘrüwa lurúeitegu Ísüraeli arúeihatiñu luagu 40 irumu kada aban. Lárigiñe lounwen Salomón, aba hafareinragun néchani ísüraelina lidan biama arúeihani, aban nórutena luma aban suruna.
Arúeihani le lani 10 türibu nórutena durati 257 irumu lubaragiñebei hagünrinchaguni asiriana. Lárigiñe 133 irumu, aba giñe lagünrinchawagun arúeihani le lani biama türibu suruna. Lidan ókaasion le barüwatiñu ísüraelina lidoun adaürǘni Babilónia. Ítara liñati anihein lan 510 irumu abahüdaguni lidan Fánreinti GÁDÜRÜ le, ani lídanti dan ligía susereti bandi sügǘ le wéirigüda lumutu wanigi.