CHIHANDA 4
Chize hali Mwanangana Mutangu wa Izalele ndo ha Ufunge mu Babilonia
Saulu yapwa mwanangana mutangu mu Izalele. Alioze, Yehova yalituna yo, mba yasakula Ndawichi hanga apwe mwanangana mu chihela cha Saulu. Yetwe mutunyingika yuma yinji hakutwala kuli Ndawichi. Muze te uchili mukweze, iye yalilamba ni umwe chitakame anavuluka ngwo Ngoliate. Kulutwe lia matangwa, iye yachina mukwa chipululu Mwanangana Saulu. Hi chileza Abigale yakanjisa Ndawichi kulinga yuma ya uhepuke.
Mba kulutwe, mutulilongesa yuma yinji hakutwala kuli mwana wa Ndawichi, Solomone, muze asalakanyine ha chihela cha Ndawichi ngwe mwanangana wa Izalele. Mianangana eswe atatu atangu a Izalele, mutu ni mutu kanakayula 40 a miaka. Muze te Solomone hafwa, wanangana wa Izalele yauteta yiupwa waali, umuwika ku sango, ukwo ku uto.
Wanangana wa ku sango wa 10 lia minyachi unakalinga 257 a miaka, muze te kanda achiunongesa kuli Asuria. Hi hakupalika cha 133 a miaka, wanangana wa ku uto, wa minyachi yaali, ni newo yaunongesa. Ha mashimbu wowene A-Izalele yaambata mu ufunge ku Babilonia. Kashika, mu Chihanda CHAMUCHIWANA yishima yamo yinakalinga 510 a miaka, ha mashimbu jacho kunakapalika yuma yinji ya ukomokeso, ngwe chize mutumona.
HA CHINO CHIHANDA
CHISHIMA 56
Saulu—Mwanangana Mutangu wa Izalele
Chitangu kamusakwile kuli Zambi mba kulutwe yalitunaye, mutuhasa kulilongesa yuma yinji hali Saulu.
CHISHIMA 57
Zambi Yasakula Ndawichi
Yika yize Zambi amwene kuli Ndawichi yize profeta Samuele kakamwene?
CHISHIMA 58
Ndawichi ni Ngoliate
Ndawichi kalimikine ni Ngoliate hi ni ndundu yenyi wika ko, alioze ni uta wa ndundo jinji kuhiana.
CHISHIMA 59
Ndawichi te Katamba Kuchina
Saulu chitangu te kakuzanga chinji Ndawichi, alioze kulutwe yaputuka kumwivwila ukwa ni kufupa kumushiha. Mumu liaka?
CHISHIMA 60
Abigale ni Ndawichi
Abigale kasanyikine mukwo-lunga ngwo chihepuke, chikwo nawa yapulula mwono wenyi—ha shimbu liacho.
CHISHIMA 61
Ndawichi Hamupwisa Mwanangana
Ndawichi kasolwele ngwenyi kanajame kupwa mwanangana wa izalele ha yize alingile ni ha yize alitunyine kulinga.
CHISHIMA 62
Kapinda ku Zuwo lia Ndawichi
Upi uze Ndawichi alingile yiuneha lamba hali iye mwene ni hali asoko jenyi ha miaka yinji.
CHISHIMA 64
Solomone Yatunga Tembele
Chipwe ngwe kapwile ni mana anji, nihindu Solomone kamupiangwile kulinga yuma ya uhepuke ni yuma yipi.
CHISHIMA 65
Kuteta cha Wanangana
Muze Joroboame aputukile kuyula, iye yatwala atu kwehuka shimbi ja Zambi.
CHISHIMA 66
Jezebele—Mwazovu Mupi
Iye te kakulinga yeswayo yize mahasa hanga apwe ni chuma chize mazanga.
CHISHIMA 67
Yehosofate Yajikijila Kuli Yehova
Mumu liaka maswalale te mayila ku jita ni kwasongwela kuli akwa-kwimba waze keshi mata?
CHISHIMA 68
Twanuke Aali Yahinduka mu Ufwe
Shina mutu yoze hanafu meza kapwa nawa ni mwono cheka? Chino chalingiwile ku mashimbu akunyima!
CHISHIMA 69
Umwe Kanuke wa Pwo Yakwasa Umwe Lunga wa Ndundo
Iye kapwile ni hamu lia kuhanjika, chino yichineha chikomokeso chize chakwashile chinji.
CHISHIMA 71
Zambi Kanalakenya Yimwe Paraisu
Paraisu yitangu yapwile yikehe; ayi muyikapwa hashi heswe.
CHISHIMA 72
Zambi Yakwasa Mwanangana Hezekia
Ha ufuku umuwika, umwe mungelo yashiha 185,000 maswalale Asuria.
CHISHIMA 73
Mwanangana Mupema wa Kasula mu Izalele
Muze apwile mukweze, Josia yalinga chuma cha hamu.
CHISHIMA 74
Umwe Lunga Keshi Woma
Jeremia kanyongene ngwenyi kali mukweze chinji hanga apwe profeta, alioze Zambi kamwene ngwenyi iye te mahasa kulinga mulimo wacho.
CHISHIMA 75
Akweze Awana mu Babilonia
Akweze wano kafumbukile chipwe ngwe kapwile kusuko ni asoko jo.
CHISHIMA 76
Yerusaleme Hayinongesa
Mumu liaka Zambi echele akwa-kole a Izalele, A-Babilonia hanga anongese Yerusaleme?
