PARTI 4
Premye lerwa Izrael ziska lanprizonnman an Babilonn
Sail ti vin premye lerwa Izrael. Me Zeova ti rezet li, e David ti ganny swazir pour vin lerwa dan son plas. Nou pou aprann en kantite keksoz lo David. Ler i ti en zenn garson, David ti lager avek en zean ki ti apel Golyat. Plitar i ti sove akoz lerwa Sail ti zalou li. Apre, Abigail sa zoli madanm ti anpes David fer en move keksoz.
Nou pou aprann en kantite keksoz lo garson David, Salomon, ki ti pran plas David konman lerwa Izrael. Sa trwa premye lerwa Izrael ti dirize pour 40 an. Apre ki Salomon ti’n mor, Izrael ti ganny divize an de Rwayonm. Rwayonm nor ek rwayonm sid.
Apre 257 an legzistans, rwayonm nor avek son dis tribi ti ganny detrir par bann Asiryen. Apre 133 lannen, rwayonm sid avek son de tribi ti osi ganny detrir. Safwasi bann Izraelit ti ganny anmennen konman prizonnyen an Babilonn. Katriyenm parti i kouver listwar remarkab pour 510 lannen.
DAN SA SEKSYON
ZISTWAR 56
Sail, premye lerwa Izrael
Bann Izraelit ti eksperyans serten zot bann pli bon moman e bann moman pli pir pandan sa senk syek ki zot ti pe ganny dirize par bann imen.
ZISTWAR 58
David ek Golyat
David pa ti lager avek Golyat zis avek son fles me avek en zouti pli for ki sa.
ZISTWAR 59
Akoz David ti bezwen sove
O konmansman Sail ti kontan David, me apre i ti zalou li e anvi touy li. Akoz?
ZISTWAR 61
David ti vin lerwa
David i montre ki i kalifye pour vin lerwa Izrael par sa ki i fer e pa fer.
ZISTWAR 62
Problenm dan lakour David
Me en par en sel fot i anmenn problenm lo li menm ek son fanmiy pour plizyer lannen.
ZISTWAR 65
Rwayonm ti divize
Deswit konman Yarobam ti konmans dirize i ti fer bann dimoun kas lalwa Bondye.
ZISTWAR 67
Yeosafat Ti met konfyans dan Zeova
Akoz en larme pour al lager avek bann santer ki napa zarm?
ZISTWAR 74
Zonm ki pa ti per
Zeremi ti panse ki I tro zenn pour vin en profet, me Bondye ti konnen ki i kapab fer li.
ZISTWAR 76
Zerizalenm ti ganny detri
Akoz Bondye ti les bann Babilonnyen ki lennmi bann Izraelit detri Zerizalenm?