PARTE 4
Israelgi gebe rey megisad aggar Babilonias gales selesmaladse
Saúl Israelgi gebe reyga megnoniggi. Auggine sorba Jehová we dule obadsa, geb David we anale sulenoniggi reyga megega. Ibmar buggidar David siggi anmar durdaggoe. Anba sabbingwa guedgi ulusa, dule dummad Goliat nugadbo. Undaradgi, rey Saúl egi nobgualid ulale, wagginne dagleali. Degiidgi, ome yeerdaglegedi, Abigaíl nugad, David barganonigusa mer ibmar isgana imaggega.
Sorba, ibmar buggidar anmar durdaggoe Salomónsig; we David e massi. We duledi, David sorba reyga Israelgi megnoniggi. Gebe Israelgi reymar warbaa megismaladi, warwargwengi 40 años negdagmai gusmala. Salomón burgwisad sorba, Israel reino sogbo mamarnoniggi, soggwena gwaanbe neggweburmar ganoniggid geb baiddina, gwabo neggweburmar ganoniggid.
Reino 10 mergu neggweburmar ganiggidi 257 años sigwisa, Asiria dorganse obeloleged iduale. We sorba, 133 años nasadgi reino gwabo neggweburmar ganiggidi, obelononimoga. Emisgindi Israel dulemar gales selesmala Babiloniase. Degsoggu, Parte CUATRO gine sunmagnai bela we ibmar gusadgi, 510 años nanasadgi geb aunni ibmar galagwensur gumai gusad anmar durdaggoe.
EN ESTA SECCIÓN
SUNMAGNAID 56
Saúl gebe reyga Israelgi megisad
Jehova reyga Saúl mesisadde, ibiga sorba egi bangusbali. Saul ibmar imasadgine, anmar ibmar buggidar durdagmogad.
SUNMAGNAID 58
David, Goliat bogwa
David, Goliatbo ulusgua unnila biombobi ebussulid, dule yeer gangued Goliat bendasad.
SUNMAGNAID 59
Ibigala David waggidde
Saul, Davidba yeer iddosa inigwale, ¿ibig sorba sae daggali, ibig oburgwebi guali?
SUNMAGNAID 60
Abigaíl, David bogwa
Abigaíl wisi inigwale e sui dagge daggesur ibmar imagge, bendasbalid mer oburgwemalaga, auggi sorba anba burgwisad.
SUNMAGNAID 61
David reyga megnoniggi
David ibmar imasadbali, ibmar isgana imagbisurdaedbali mag daglesad nabir reyga nuedga gusale.
SUNMAGNAID 62
David neg yeer gagalesa
David nued neg idumainad, auggi, dummad yolenonibalid, aagala, e neg yaggi yeer ega neg gagalesad.
SUNMAGNAID 64
Salomón Babse goled neg sobsa
Salomón yeer ibmar wisi gusa inigwale, emarse binsaed galesad ibmar isgana imaggega, dule binsaed saddedyob gusad.
SUNMAGNAID 67
Josafat, Jehová bensuli
¿Ibigala soldadomar urwe naed idu namagmalad urbisa, ibmar urwedgi ebulemad sadde?
SUNMAGNAID 68
Masmala warbo durgusmala
¿Dule burgwisar nabir gannar durgusardibe? ¡Bad deyob ibmar gudiid!
SUNMAGNAID 71
Babdummad neg yeerdagle imaggoe
Gebe nabbaneg imaglesgua bela yeer daglesulinad, yoogidsedi bela yeer dagle guoed
SUNMAGNAID 72
Babdummad Ezequías bendasa
Angel wargwen muddiggidbali 185.000 mergu Asiria soldadomar oburgwisad.
SUNMAGNAID 73
Israelgi nabbi rey nued megisad
Josias sabbingwa bibbi gue inigwale, dulemar dobgussulid ibmar soggwen imaggega. Dobgussulidbali, Jehova rey nuedga imasad.
SUNMAGNAID 74
Dule emar dobsulidi
Jeremiasdi binsasanad anba an bibbiye Bab gaya berbegedgi arbaega, Jehovadi wisinad nabir ega arbaoe.
SUNMAGNAID 75
Masmala ebagge Babiloniag gudii
E gwenadgangi bangusmar inigwale, Jehova igargi bangussurmalad.
