ORUPA 4

Ombara ondenga yaIsrael nga komahuuriro waBabilon

Saul wa rira ombara ondenga yaIsrael. Nungwari Jehova we mu nakaura nu David ongwa toororwa otjombara moruveze rwe. Eṱe matu rihongo ovingi ohunga na David. Otja omutanda eye wa rwisa omurenaka Goliat. Kombunda eye wa taura okuzapo pombara Saul yeruru. Okuzambo omukazendu omuwa Abigail we mu tjaera okutjita otjiṋa otjiyova.

Tjarwe matu rihongo oviṋa ovingi ohunga nomuzandu waDavid, Salomo, ngwa pingena David otjombara yaIsrael. Ozombara ozondenga ndatu zaIsrael, auhe wa honapara ozombura 40. Kombunda yonḓiro yaSalomo, Israel tja haṋwa momauhonapare yevari, okutja ouhona wokeyuva kokunene nowokeyuva kokumoho.

Ouhona womihoko omirongo vyokeyuva kokunene wa kara oure wozombura 257 komurungu wokuyandekwa i Ovaasur. Okuzambo kombunda yozombura 133, ouhona womihoko vivari vyokeyuva kokumoho wina vya yandekwa. Moruveze ndwi Ovaisrael va huurirwe otjovakamburwa ku Babilon. Okutja Orupa ORUTJAINE rwa kamburire mo ozombura 510 zomakuruhungi, oruveze mu matu munu mo ovitjitwa ovingi noviyorokise.