Laj Saul kiwank choʼq xbʼeen awabʼej saʼ li tenamit Israel. Li Jehobʼa inkʼaʼ chik kiraj naq laj Saul t-awabʼejinq joʼkan naq kixsikʼ laj David choʼq reqaj. Aatinaqo chirix laj David. Toj saaj laj David naq kiyalok rikʼin jun li nimla winq, aj Goliat xkʼabʼaʼ. Joʼkan ajwiʼ laj David kiʼelelik chiru laj Saul xbʼaan naq xikʼ naʼileʼk. Li xʼAbigail inkʼaʼ kixkanabʼ naq laj David tixkamsi jun li winq.

Chirix chik aʼan, tootzoloq chirix laj Salomon. Laj Salomon kikanaak choʼq awabʼej re Israel naq kikamk li xyuwaʼ. Ebʼ li oxibʼ chi awabʼej li keʼwank xbʼeenwa, keʼawabʼejink 40 chihabʼ chixjunqalebʼ. Ak kamenaq laj Salomon naq li tenamit Israel kixjach ribʼ saʼ wiibʼ. Saʼ jun rehebʼ li tenamit kiwank 10 chi teep ut saʼ li jun chik tenamit kiwank 2 chi teep.

Ebʼ li 10 chi teep keʼwank 257 chihabʼ naq toj maajiʼ nekeʼsacheʼk xbʼaanebʼ laj Asirio. Naq kinumeʼk 133 chihabʼ keʼsacheʼk ajwiʼ ebʼ li wiibʼ chi teep. Aran naq, ebʼ laj Israel keʼkʼameʼk choʼq moos saʼ li tenamit Babilonia. Chixjunil li XKA Tasal kikʼulmank chiru 510 chihabʼ. Toj tqatzol xkomon li xninqal ru naʼlebʼ.