Kipungu 4
Mfumu Mutanshi wa Bena Isalela Watwajilwe mu Buzha mu Babilona
Saulo ye mutanshi kwikala mfumu wa bena Isalela. Bino Yehoba wamufumishepo kabiji wasajile Davida kwikala mfumu ne kupinga pa kifulo kyanji. Tusakumona bintu byavula byamwekejile Davida. Byo akijinga mwanyike, walwile na kitonzhi, aye Goliata. Palutwe kacheche, wanyemene kwi Mfumu Saulo wajinga na kichima. Kabiji Abigaila walambile bingi wakanyishe Davida kuba kintu kya bumbulwamaana.
Kabiji tusakufunda bintu byavula bingi pa mwana wa kwa Davida, aye Solomone waswaine Davida ne kwikala mfumu wa bena Isalela. Bamfumu batanshi basatu ba bena Isalela bonse umo umo balamine au myaka 40, au myaka 40. Solomone byo afwile, bena Isalela baabene ne kwikala na bufumu bubiji, bumo ku kabeta ka ku buyeke kabiji bukwabo ku kabeta ka ku bulenge.
Bufumu bwa bisaka jikumi bwa ku kabeta ka ku buyeke bwaikele myaka 257 saka bukyangye konaunwa ku bena Asilya. Kabiji panyuma ya kupitapo myaka 133, bufumu bwa bisaka bibiji bwa ku kabeta ka ku bulenge nabo bwaonawinwe. Pa kino kimye, bena Isalela batwajilwe mu buzha ku Babilona. Onkao mambo, Kipungu kya BUNA kyaamba pa myaka 510 ya mu bwikalo bwa bantu mwamwekelenga bintu byavula byo twabujile kwimwena na meso etu ne.
BIJI MU KINO KIPUNGU
JISHIMIKILA 56
Saulo Mfumu Mutanshi wa Bena Isalela
Patanshi bamusajile kwi Lesa kabiji mu kuya kwa moba bamukaine kwi Lesa, kintu kyamwekejile Saulo kyafwainwa kwitufunjishapo kintu kyanema bingi.
JISHIMIKILA 57
Lesa Wasajile Davida
Ñanyi byubilo Lesa byo amwene mwi Davida byo byabujile kumona ngauzhi Samwela mwi Davida?
JISHIMIKILA 58
Davida ne Goliata
Davida washinjile Goliata, kechi na kinzhipunzhipu kyanji ne, bino wamushinjile na bulume bwa Lesa.
JISHIMIKILA 59
Ene Mambo Davida o Anyemejile
Saulo watemenwe bingi Davida patanshi, bino mu kuya kwa moba Saulo waikele na kichima ne Davida ne kukeba kumwipaya. Mambo ka?
JISHIMIKILA 60
Abigaila ne Davida
Abigaila watongwele mwatawanji amba wabula maana, akino kyamupulwisheko Nabala mu kakimye kacheche.
JISHIMIKILA 61
Davida Waswanyikilwe ke Mfumu
Davida wafikijilemo kwikala mfumu wa bena Isalela kupichila mu bintu byo aubile ne bintu byo akaine kuba.
JISHIMIKILA 62
Makatazho Aishile mu Nzubo ya kwa Davida
Kintutu kimo kyatama kyo aubile, wiletelejile makatazho ne kisemi kyanji mu myaka yalondejilepo.
JISHIMIKILA 64
Solomone Washimikile Nzubo ya Lesa
Nangwa kya kuba Solomone wajinga bingi na maana, bamongwele ne kutendeka kuba byatama.
JISHIMIKILA 65
Bufumu Bwaabene
Aku Yeloboma utendekatu kulama, walengejile bantu kulala mizhilo ya Lesa.
JISHIMIKILA 66
Yezebeli, Muka Mfumu Watamine Bingi
Yezebeli usakuba kyonse kyo akeba pa kubatu’mba atambule kyo abena kukeba.
JISHIMIKILA 67
Yehoshafwata Waketekejile mwi Yehoba
Mambo ka bashilikale o baingijishe banyimbi babula bya kulwilako kuya nabo ku nkondo kutangilako?
JISHIMIKILA 68
Baana Babiji Basangwilwe
Paji wakonsha kusangula muntu wafwile nyi? Akino kyakimwekapo ka!
JISHIMIKILA 69
Kamwale Wakwashishe Mwine Kiyangala
Uno kamwale kechi wajinga na moyo wa kwamba ne, kino kyalengejile ne uno mwanamulume kumubuka mu jishinda ja kukumya.
JISHIMIKILA 70
Yona ne Jisabi Jikatampe
Yona wafunjijileko kintu kyanema bingi pa kulondela byaamba Yehoba.
JISHIMIKILA 71
Lesa Walayile Paladisa
Paladisa wajingako patanshi wakepele bingi; pakuba paladisa ye tubena kupembelela ukakumbana ntanda yonse.
JISHIMIKILA 72
Lesa Wakwashishe Mfumu Hezekiya
Mu bufukutu bumo, malaika waipayile bashilikale 185,000 ba bena Asilya.
JISHIMIKILA 73
Mfumu Wawama wa Bena Isalela Wapeleleko
Yosiya byo ajingatu mwanyike waubile kintu kyawama bingi.
JSIHIMIKILA 74
Muntu Wabujile Kuchina
Yelemiya wimwene’mba ukiji mwanyike kwikala ngauzhi, bino Lesa wayukile’mba wafikilamo kwikala ngauzhi.
JISHIMIKILA 75
Bansongwalume Bana mu Babilona
Abano bansongwalume bana batwajijile kwikala bakishinka nangwa kya kuba bebafumishe ku bisemi byabo.
JISHIMIKILA 76
Yelusalema Waonawinwe
Mambo ka Lesa o aswishishe balwanyi ba bena Isalela, bena Babilona konauna Yelusalema?