Iciputusya 4: Imfumu ya Kutanga iya Isilaeli Ukufika ku Busya mu Babiloni
Saulu e wabele imfumu ya kutanga mu Isilaeli. Pano baYehoba balimukene, eli bangasobola Dafidi ukube’mfumu pe punda lyakwe. Tulasangana ifintu ifingi pa lwakwe Dafidi. Ili aali umusankwa, kalwa na Golyati uwali ne makosa. Imbi mpindi kafyuka ku Mfumu Saulu iyali ne kaso. Lomba Abigayili alimucicile ukucite’cibipile.
Mukukonkapo, tulasambilile’fyakuti ubwingi pa lwakwe Solomoni mwana Dafidi, uwatatikile ukuteka pe punda lya bawisi. Imfumu sya kutatikilapo isya mu Isilaeli sitatu syalukuteka imo imo imyaka 40. Ili Solomoni afwile, Isilaeli yalyabanisiwe mu mabufumu yobilo, ubufumu ubwa fikoto ikumi, ne bufumu ubwa fikoto fyobilo.
Ubufumu ubwa fikoto ikumi bwalipo imyaka 257 pantangile ili tabungonalwa ku baAsiliya. Pa myaka 133 iyapitilepo ubufumu ubwa fikoto fyobilo nabo bwalyonawilwe. Pali’yi mpindi abaIsilaeli balipintilwe ubusya mu Babiloni. Pano Iciputusya ica BUFINE cilalabila pa myaka 510 iya lyasi lya kale, muli yenke’yi mpindi eli ifingi ifya kusangalasya fyalukucitika ifitatwabwenepo.
