Chihanda 4

Mwangana Watete waIsalele Swi NakuUndungo muMbavilone

Saulu apwile mwangana wavaIsalele watete. Oloze Yehova amukanyine, nakusakula Ndavichi mangana amuswane. Tuwanenu vyuma vyavivulu vyakuvuluka Ndavichi. Haukweze wenyi, azakwile ndundulume, Ngolyate. Kufumaho achinyine Mwangana walwiso, Saulu. Jino Avingayile wamwaza amukanyishile kulinga chuma chauleya.

Kufumaho, natulinangula vyamwanaNdavichi, Solomone, uze aswanyine Ndavichi kupwa mwangana wavaIsalele. Ava vamyangana vavaIsalele vatatu vosena, umwe naumwe ayulile myaka 40. Hakufwa chaSolomone, Isalele vayipangile mumawangana avali, wangana wakunote nawakusulo.

Wangana wakunote wamiyachi 10 watwamine myaka 257 numbanyi vawenyeke kuli vaAsulya. Hahichile myaka 133, kaha wangana wakusulo wamiyachi yivali naukiko vauchikile. Jino vaIsalele vavatwalile muundungo kuMbavilone. Shikaho Chihanda CHAMUCHIWANA chili nakutala havyuma vyasolokele mumyaka 510, muze mwasolokele vyuma vyavivulu vyakukomwesa shimbu kanda yetu tupweko.