CHIBALU 4

Mwanta Watachi WawaIsarela Nakushika muWunkoli muBabiloni

Sawulu wekalili mwanta watachi wawaIsarela. Ilaña Yehova wamukanini, nawa Davidi amutondeli kwikala mwanta muchifulu chindi. Tukudiza yuma yayivulu hadi Davidi. Hadiñayi mukwenzi walwili naGoliyati wasweja kutaluka. Nkumininaku wamutemukili Sawulu Mwanta wechima. Kutwala muna Abigayili walubanji wamulekesheli kwila chuma chatama.

Kulondelahu, tukudiza yuma yayivulu yamwana kaDavidi Solomoni waswanini mwiluña daDavidi neyi mwanta wawaIsarela. Anyanta asatu atachi amuIsarela ayulili hamuntu hamuntu yaaka 40. Hanyima yakufwa kwaSolomoni, Isarela ayambwili hadi mawanta ayedi, wanta wakukabeta kaluwunda niwanta wakukabeta kambwela.

Wanta wanyitaña 10 wakukabeta kaluwunda washakamini yaaka 257 henohu kanda awujilumuni kudi eniAshuri. Hanyima yayaaka 133, wanta wanyitaña yiyedi wakukabeta kambwela niwena awujilumwini. Haniyi mpinji aIsarela ayisendeli muwunkoli muBabiloni. Chibalu CHAMUCHIWANA chasenda yaaka 510 yansañu yanyaka, muniyi mpinji yuma yayivulu yakukomwesha yinahiti henohu etu kanda twikaliku.