XI MAÑONI
Je xi títjon rey koan ya Israel saʼnda nga kinikatíonʼio ya Babilonia
Jé Saúl xi títjon rey koan ya Israel. Tonga Jeobá tsakʼasjengi, kʼoa je David kitjoejin nga rey koan ʼndele Saúl. Nkjín koya jchaa xi tʼatsʼe David. Kʼianga sʼa xti, kao Goliat kiskan jngo chjota xi nʼio ngʼa kʼoa nʼioje kisʼe. Xijekoan, tsakanga xi totʼatsʼe kjoaxíntokonle Saúl. Xi koanskanni je Abigail jngo chjoón xi naskánakisʼe je tsakʼéchjoale David nga tsín jée tsakajngile yaole.
Xijekoa̱n, nʼio tse xi jchaa xi tʼatsʼe Salomón, je tile David, je tsakʼejnangajaole David nga rey koanle naxinandá Israel. Nga jan rey xi títjon tsakatéxoma ya Israel ñachan nó tsakatéxoma nga jngó jngó. Kʼianga je kʼien Salomón, koanjaoya je naxinandá Israel, jngo xi te ntje̱ koan kʼoa xi ijngo jao ntje̱ koan.
Je xi te ntje̱, jao siento kao ñachan xjaʼaonjao nó koanle nga kjesa bichósíkjejin chjota asirio. Xijekoanni jngo siento kao kantejan nó, je ntje̱ xi jao kʼoati kinikjeson. Nga kui nichxin ya Babilonia kichaní je chjota israelita nga kinikatíonʼio. Je XI MAÑONI aon siento kao te nó bichóni, kʼoa nʼio tse jmeni xi ma je nó xotjín.
KUI FAʼAITʼA JEBI
KJOAʼMIYA 56
Xi títjon rey koan ya Israel jé Saúl
Nga títjon, Niná kiskoejin Saúl tonga xi koanskanni alikui ti kisasennile xi tʼatsʼe. Je choa̱le Saúl nio chjíle jmeni xi bakóyaná.
KJOAʼMIYA 57
Je David kiskoejin Niná
Jméni xi tsabe Niná xi tʼatsʼe David tonga xi tsín tsabe je Samuel
KJOAʼMIYA 58
David kao Goliat
Ali tsa tokuijin je xjoa̱xín xi basénni la̱jao̱ David xi tsakasenkao nga kisikʼien Goliat, jé Niná tsakasenkao
KJOAʼMIYA 59
Ánni tsakangasíni David
Je rey Saúl tsjoa koanle xi kao David. Ánni nga koanchinikeni kʼoa koanmenile kisikʼien David.
KJOAʼMIYA 60
Abigail kao David
Je Abigail kʼoakitso nga to chjotachini je xʼinle, kʼoa tsakʼasjentjai nga tsín kinikʼien.
KJOAʼMIYA 61
Rey kinikaséjna David
Je David tsakakó nga jetíjnanda nga rey koa̱n, kao kui tsakakóni jme xi kisʼin kʼoa kao xi tsín kitsjoaʼndele yaole nga kʼoakisʼin.
KJOAʼMIYA 62
Kjoa kisʼe ya ndʼiale David
Ñandia nga jée tsakasjaile yaole je David, kʼoa nkjín nó nga tse kjoa kisʼele je kao yaniʼyale.
KJOAʼMIYA 64
Je yo̱ngo̱ xi tsakʼénda Salomón
Ninga nʼio chjine koan je Salomón tojo koanjyole nga kui kʼoakisʼin xi chʼaotjín.
KJOAʼMIYA 65
Koanjaoya je naxinandá Israel
Kʼianga jetsakʼétsʼiakao Jeroboán nga tsakatéxoma, kjitʼanangi kʼoakitsole naxinandá nga katafaʼatone kjoatéxomale Niná.
KJOAʼMIYA 66
Jezabel, jngo reina xi tsʼen koan
Je Jezabel tsakásjaile jokisʼin nga tsʼe koan jmeni xi koanmele.
KJOAʼMIYA 67
Jé Jeobá kisinʼiotʼa Josafat
Ánni nga je chjota xi se kitítjonsínile je chjotakjoajchán kʼoa nga tsín jme ki̱cha̱ yʼasíni.
KJOAʼMIYA 69
Jngo tsotiʼndí tsakasenkao jngo chjota xi xángʼa tjínle
Kao kjoanʼiojin kinchja̱. Nga kʼoakisʼin jngo chjota koanndaya.
KJOAʼMIYA 70
Jonás kao jngo jti̱ xi nʼioje kji
Je Jonás koanjinle nga nʼio chjíle nga nitjosoán jmeni xi tso je Jeobá.
KJOAʼMIYA 71
Tongini kʼoatso Niná nga jngo sonʼndenaxó tsjoá
Nga títjon tochoaa ʼnde jñani ʼndenaxó koan. Tonga nichxin xi nroaján kuikoa̱n ngayeje Sonʼnde.
KJOAʼMIYA 72
Niná tsakasenkao je Ezequías
Jngo ánkje xi 185,000 sondado asirio kisikʼien nga tojngo nitje̱n.
KJOAʼMIYA 73
Ijngosa rey xi nda kisʼin ya Israel
Nga sʼa xti je Josías kui kʼoakisʼin xi nʼio tse kjoanʼiojin koanchjénle.
KJOAʼMIYA 74
Jngo chjota xi tsín kitsokjon
Je Jeremías kʼoakitso nga sʼa nʼio xti nga profeta koa̱n, tonga je Niná kʼoakitsole nga kʼoakoa̱nle.
KJOAʼMIYA 76
Kinikjeson Jerusalén
Ánni nga kitsjoaʼndesíni je Niná nga kisikjeson Jerusalén je chjotakontrale naxinandá Israel.