Premie Lerwa Israël Ziska Ki Bann Izraelit Vinn Prizonie dan Babylone
4em Parti
Premie Lerwa Israël Ziska Ki Bann Izraelit Vinn Prizonie dan Babylone
Saül ti vinn premie lerwa Israël. Me Jéhovah ti rezet li, ek Li ti swazir David pou vinn lerwa dan so plas. Nou pou aprann boukou kitsoz lor David. Kan li ti zenn, David ti lager avek enn zean ki ti apel Goliath. Plitar, li ti sove akoz Lerwa Saül ti zalou li. Abigaïl, enn zoli madam, ti anpes David fer enn move kitsoz.
Apre sa, nou aprann boukou kitsoz lor garson David, Salomon, ki ti vinn lerwa Israël apre li. Trwa premie lerwa Israël sakenn ti regne pou 40 an. Apre lamor Salomon, rwayom Israël ti divize an de, rwayom lenor ek rwayom lesid.
Dan rwayom lenor ti ena dis tribi, sa rwayom-la ti existe pandan 257 an avan ki bann Asirien detrir li. Lerla, 133 lane apre, ti detrir osi rwayom lesid ki ti ena de tribi. Sann fwa-la ti amenn bann Izraelit kouma bann prizonie dan Babylone. Alor, KATRIEM Parti kouver listwar pandan 510 an, kot boukou gran-gran levennman finn pase.
