भाग ४

इस्राएलचा पहिला राजा ते बॅबिलोनमधला बंदिवास

प्ले

शौल इस्राएलाचा पहिला राजा झाला. परंतु यहोवानं त्याचा अव्हेर केला, आणि त्याच्या जागी राजा होण्यासाठी दाविदाला निवडलं: आपल्याला दाविदाबद्दल अनेक गोष्टी कळतात. तरुणपणी तो बलवान गल्याथाशी लढला. त्यानंतर, मत्सरी राजा शौलापासून तो पळाला. मग रूपवती अबीगईलेनं, एक मूर्खपणाची गोष्ट करण्यापासून त्याला रोखलं.

त्यापुढे, इस्राएलाचा राजा म्हणून दाविदाच्या जागी आलेला त्याचा मुलगा शलमोन, याच्याबद्दल आपण खूपशा गोष्टी शिकतो. इस्राएलच्या पहिल्या तीन राजांनी प्रत्येकी ४० वर्षं राज्य केलं. शलमोनाच्या मृत्यूनंतर, इस्राएल दोन राज्यांत विभागलं गेलं, एक उत्तरेचं आणि एक दक्षिणेचं.

अश्‍शुऱ्‍यांच्या हातून नाश होण्यापूर्वी, १० वंशांचं उत्तरेकडचं राज्य २५७ वर्षं टिकलं. मग १३३ वर्षांनी, दक्षिणेच्या दोन वंशांच्या राज्याचाही नाश झाला. या वेळी इस्राएलांना कैद करून बॅबिलोनला नेलं गेलं. तेव्हा, चौथ्या भागात ५१० वर्षांच्या इतिहासाचा आढावा घेतो. त्यात अनेक रोमांचकारी घटना आपल्या नजरेसमोरून सरकतात.