Ekicweka 4

Okuruga aha Mugabe wa Israeli w’Okubanza Okuhika aha Bukwatwa Omuri Babulooni

Saulo akaba omugabe wa Israeli ow’okubanza. Kwonka Yehova yaamwanga, kandi yaatoorana Daudi kuba omugabe omu mwanya gwe. Nitwega bingi ebirikukwata ahari Daudi. Akiri omunyeeto, akarwanisa Goliasi omushaija w’ekikaaka. Bwanyima yaahunga ahabw’eihari ry’Omugabe Saulo. Kandi Abigaili omurungi yaamuzibira kukora ekintu ky’obushema.

Ekindi, nitwega ebintu bingi ebirikukwata ahari mutabani wa Daudi Sulemaani owaagiire omu mwanya gwa Daudi nk’omugabe wa Israeli. Abagabe ba Israeli bashatu ab’okubanza bakategyekyera emyaka 40 buri omwe. Bwanyima y’okufa kwa Sulemaani, Israeli ekabaganisibwamu obugabe bubiri, obw’omu matemba n’obw’omu mashuuma.

Obugabe bw’omu matemba obw’enganda 10 bukamara emyaka 257 butakacwekyereziibwe Abaasiria. Kandi bwanyima y’emyaka 133, obugabe bw’omu mashuuma obw’enganda ibiri nabwo bukacwekyerezibwa. Omu bunaku obu, Abaisraeli bakatwarwa Babulooni omu bukwatwa. N’ahabw’ekyo ekicweka kya KANA nikikwata aha myaka 510 ey’ebyafaayo, obunaku obu turikureeberamu ebintu bingi ebirikushemeza.