GAWO 4
Kuyambira Mambo Wakutoma mu Jirayeri Mpaka Ukapolo ku Babulo
Sauli adakhala mambo wakutoma wa Jirayeri. Tsono Yahova adadzamulamba, ndipo Davide ndiye adasankhulidwa m’mbuto mwace. Tin’dzapfunza bzizinji bza Davideyo. Ali tswaka, iye adamenyana na cinzonzomtali Goliyati. Patsogolo pace iye adathawa thangwe ra nsanje ya Mambo Sauli. Ndipo kutsogolo kwace, mkazi wakudeka, Abigayeli adamuphingiza kucita cinthu ca upsiru.
Patsogolo pace, tin’dzapfunzambo bzizinji bza Salomau, mwana wa Davide, omwe adakhala mambo wa Jirayeri m’mbuto mwa Davide. Pa wamambo atatu wakuyambirira wa Jirayeri, ali-wense adatonga magole 40. Pomwe Salomau adafa, umambo mu Jirayeri budagawanidwa pawiri, bubodzi kumpoto na bunango kummwera.
Umambo bwa kumpoto bwa madzinza 10 ya Jirayeri, budatonga magole 257 mpaka kudzapfudzidwa na wanthu wa ku Asiriya. Ndipo magole 133 patsogolo pace, umambo bwa kummwera bwa madzinza 2, budadzapfudzidwambo. Nthawe imweyo, Wajirayeri wadatengedwa ku ukapolo ku Babulo. Tenepo Gawo LACINAILI lin’fokotoza nkhani zakutenga magole 510, ndipo mkati mwa magoleya, bzidacitika bzinthu bzizinji, ninga momwe tiniwonera.
MU GAWOLI
NKHANI 56
Sauli—mambo Wakutoma Wa Jirayeri
Pakuyamba Mulungu akhadasankhula Sauli kuti akhale mambo wa Jirayeri, koma patsogolo pace adadzamulamba. Bzomwe bzidacitikira Saulibzi bzingatipfunzise bzinthu bzakufunika kwene-kwene.
NKHANI 57
Mulungu Asankhula Davide
Kodi n’ciyani comwe Mulungu adawona mu mtima mwa Davide, bzomwe mpolofeta Samuel alibe kukwanisa kuwona?
NKHANI 58
Davide Na Goliyati
Davide adamenyana na Goliyati sikuti mwa mphanvu zace zokha ayai na sikopo yace, koma iye adacita bzimwebzo mwa mphanvu ya Mulungu.
NKHANI 59
Thangwe Ranyi Davide An’funika Kuthawa
Sauli akhafuna kwene-kwene Davide pakuyamba, koma na kupita kwa nthawe, iye adadzayamba kumuwenga mpaka kufika pakufuna kumupha. Thangwe ranyi?
NKHANI 60
Abigayeli Na Davide
Abigayeli adacemera bayace Nabala kuti psiru, bzomwe bzidacitisa kuti bayaceyo aleke kuphedwa.
NKHANI 61
Davide Akukhala Mambo
Davide ankulatiza kuti an’themera kukhala mambo wa Jirayeri mwa mafala na bzicito bzace.
NKHANI 62
Mabvuto M’nyumba Mwa Davide
Davide pabodzi na banja lace ankubonera thangwe ra pikado yomwe adacita.
NKHANI 64
Salomau Akumanga Tempwlo
Napo kuti Salomau akhali wa nzeru, iye adapumpsidwa ndipo adacita bzinthu bzomwe bzikhali bzakuphonyeka.
NKHANI 65
Umambo Bukugawidwa
Pomwe Jerobuwamu adayamba kutonga, iye adacitisa kuti Ajirayeri ayambe kunamata mirungu yakunama.
NKHANI 67
Jehosafati Akukhulupira Yahova
Kodi n’thangwe ranyi Jehosafati adayenda ku nkhondo na anyakuimba patsogolo pace?
NKHANI 68
Alumbwana Awiri Wakukhala Pomwe Na Moyo
Kodi munthu omwe adafa angakhale pomwe na moyo? Bzimwebzi bzidacitika kale m’mbuyomu!
NKHANI 69
Mtsikana Ankuthandiza Munthu Wamphanvu
Mtsikana kadakhwimika kacilewa bza Yahova, ndipo bzimwebzi bzidacitisa kuti Yahova acite cakudabwisa cinango.
NKHANI 71
Mulungu Akupicira Paraizo
Paraizo yomwe Mulungu akhadakonza pakuyamba ikhali ing’ono, tsono yomwe tinkudikhira kutsogoloku in’dzakhala pa dziko lense.
NKHANI 72
Mulungu Akuthandiza Mambo Ezekiya
Anjo wa Mulungu adapha acikunda wa Asiriya wakukwana 185.000 usiku bubodzi bokha.
NKHANI 73
Mambo Wabwino Wakumalizira Mu Jirayeri
Pomwe akhali tswaka Djosiya adacita bzinthu mwakukhwimika.
NKHANI 74
Mwamuna Wakusaya Mantha
Jeremiya akhakumbuka kuti angadakwanisa lini kukhala mpolofeta thangwe akhali tswaka, koma Mulungu akhadziwa kuti iye angadakwanisa.
NKHANI 75
Alumbwana Anai Ku Babulo
Iwo adapitiriza kukhala wakukhulupirika napo akhali kutali na abereki wawo.
NKHANI 76
Jeruzalemu Ankupfudzidwa
Kodi n’thangwe ranyi Mulungu adalekerera kuti Ababulo apfudze mzinda wa Jeruzalemu?
