RÄ NTHEKE 4
Dende rä mu̱di ndä ha Israel asta nu’mu̱ bi mꞌe̱go yä israelita ha Babilonia
Saul geꞌä rä ꞌme̱tꞌo ndä bi mända ha Israel. Pe Jeoba himbi nuu xä ñho Saul, ꞌne bi huahni Dabid pa go bi ndä. Nuju̱ ma gä pädihu̱ ndunthi de Dabid. Nuꞌmu̱ mi bäsjäꞌi, bi ntunkui nꞌa däta jäꞌi mi tꞌembi Goliat. Mꞌe̱fa bi ꞌmatꞌi de näꞌä nda embidioso gä Saul. ꞌNepu̱ Abigail, nꞌa ꞌme̱hñä xi mähotho, himbi hyopi Dabid xä me̱fi nꞌa tsꞌo tꞌo̱tꞌe.
Mꞌe̱fa ma gä pädihu̱ ndunthi de nꞌa rä tꞌu̱ Dabid mi rä thuhu Salomon. Geꞌä bi mända ha Israel mꞌe̱fa de Dabid. Nuꞌu̱ hñuu yä mu̱di ndä ha Israel bi mända 40 yä je̱ya kada nꞌaa. Mꞌe̱fa de bi du Salomon, bi hege näꞌä rä tsꞌu̱tꞌhui mi ja ha rä hnini Israel. Nꞌaa bi tꞌembi rä tsꞌu̱tꞌhui de rä norte, ꞌne näꞌä mänꞌaa bi tꞌembi rä tsꞌu̱tꞌhui de rä sur.
Näꞌä rä tsꞌu̱tꞌhui de nuꞌu̱ 10 yä tꞌu̱kä hnini de rä norte, bi dura 257 yä je̱ya. Mꞌe̱fa, yä me Asiria bi huati nunä rä tsꞌu̱tꞌhui. ꞌNepu̱ bi thogi 133 yä je̱ya, näꞌä rä tsꞌu̱tꞌhui de nuꞌu̱ yoho yä tꞌu̱kä hnini de rä sur, ꞌnehe bi uadi. Yä me Babilonia bi huati nunä rä tsꞌu̱tꞌhui ꞌne bi zixä yä israelita de gä ꞌme̱go. Gatꞌho nuꞌu̱ yä thogi mää ha nunä RÄ NTHEKE 4, bi zitsꞌi 510 yä je̱ya. Ha nuꞌu̱ yä je̱ya, bi thogi ndunthi yä däta tꞌo̱tꞌe.
HA NUNÄ SECCIÓN
RÄ ꞌMEDE 56
Nꞌa rä mu̱di ndä ha Israel
Äjuä bi huahni Saul ꞌne mꞌe̱fa bi huahni mä nꞌa rä ndä, näꞌä bi thogi Saul utkägihu̱ ge nzäntho mähyoni gä o̱tehu̱ Äjuä.
RÄ ꞌMEDE 57
Äjuä bi huahni Dabid
¿Te mä hogä mꞌu̱i mi handi Äjuä ge mi pe̱ꞌtsi Dabid, pe rä profeta Samuel himi handi?
RÄ ꞌMEDE 58
Dabid bi hyo Goliat
Dabid bi ntunkui Goliat hingä ho̱nse̱ ko rä ntꞌe̱ndo, näꞌä mi pe̱ꞌtsi rä mfatsꞌi Äjuä.
RÄ ꞌMEDE 59
Por hanja bi ꞌmatꞌi Dabid
Ri mu̱di Saul xa mi mädi Dabid, pe mꞌe̱fa xa bi u̱tsa, ¿por hanja?
RÄ ꞌMEDE 60
Abigail ꞌne Dabid
Abigail bi xipäbi Dabid ge rä däme mi nꞌa rä dondo ꞌne njabu̱ bi ñämbäbi rä te po rꞌa yä pa.
RÄ ꞌMEDE 61
Dabid bi zo̱ho̱ bi ndä
Dabid ya xä ñhoki pa dä zo̱ho̱ dä ndä, njabu̱ bi ꞌñudi po näꞌä mi pe̱fi.
RÄ ꞌMEDE 62
Dabid bi me̱ꞌtsi yä xuñha
Po nꞌa rä däta tsꞌoki näꞌä bi yꞌo̱tꞌe Dabid bä hämpäbi yä xuñha tanto pa geꞌä ꞌne rä familia.
RÄ ꞌMEDE 63
Salomon, nꞌa bämhñä ndä
Pa ge Salomon xä bädi toꞌo mi rä bätsi näꞌä zi ꞌue̱ne, ¿mäjuäni ma xä heke?
RÄ ꞌMEDE 64
Salomon bi hyoki nꞌa templo
Mäske Salomon xa mi ja rä mfädi, yä ꞌme̱hñä bi japi dä me̱fi yä dängä tsꞌoki.
RÄ ꞌMEDE 65
Bi ꞌuege yä hnini
Ngu bi mu̱di bi mända Jeroboan bi japi rä hnini dä hye̱gi yä mhända Äjuä.
RÄ ꞌMEDE 67
Jeosafat mi kamfri Jeoba
¿Por hanja Jeosafat bi hñutsꞌi yä duhu mꞌe̱tꞌo de yä soldado pa nꞌa rä tuhni?
RÄ ꞌMEDE 68
Mäske ya xki du, bi nuhu
¿Dä za dä nuhu mänꞌaki nuꞌu̱ yä jäꞌi xä du? ¿Ya xä thogi njabu̱?
RÄ ꞌMEDE 69
Nꞌa nxutsi fatsꞌi rä hmuu
Näꞌä zi nxutsi bi me̱ꞌtsi rä balo pa bi ñä ꞌne po geꞌä Nämän bi nja rä nzaki mänꞌaki.
RÄ ꞌMEDE 70
Jonäs ꞌne nꞌa däta peskado
Jonäs bi bädi ge nzäntho mähyoni dä me̱fi näꞌä di mändabi Jeoba.
RÄ ꞌMEDE 71
Äjuä ma dä hä nꞌa uädri
Rä uädri Eden mi nꞌa rä tꞌu̱kä luga, pe Äjuä xä promete ge gatꞌho rä xiꞌmhai ma dä zo̱ho̱ dä uädri.
YÄ ꞌMEDE 74
Nꞌa ñꞌo̱ho̱ hingä mi tsu
Jeremias mi mbeni ge tobe mi nꞌa rä bätsitho pa xä zo̱ho̱ xä mprofeta, pe Jeoba hingä mi mbeni njabu̱ ꞌne mi pädi ge ma xä kumpli näꞌä ꞌme̱fi xki umbäbi.
RÄ ꞌMEDE 75
Goho yä metsi ha Babilonia
Nuya goho yä bäsjäꞌi, di sigi pe̱päbi Jeoba mäske bi ꞌmu̱i yabu̱ de yä dada.
RÄ ꞌMEDE 76
Bi uadi rä hnini Jerusalen
¿Por hanja bi hyopi Äjuä ge nuꞌu̱ yä me Babilonia bi huati Jerusalen?
