PART 4
First King Bilong Israel Go Kasem Taem Olketa Kamap Prisoner Long Babylon
Saul kamap first king bilong Israel. Bat Jehovah rejectim hem, and hem chusim David for kamap king. Iumi bae lanem plande samting abaotem David. Taem hem wanfala young man, hem faet witim datfala giant Goliath. Bihaen, hem ranawe from King Saul wea hem jealous. Then Abigail wea luk naes tumas hem stopem hem for duim wanfala krangge samting.
Then iumi bae lanem plande samting abaotem son bilong David, Solomon, wea changem David olsem king bilong Israel. Each wan long first thrifala king bilong Israel olketa rul for 40 year. Bihaen Solomon hem dae, Israel hem divaed long tufala kingdom, wanfala kingdom long north and wanfala long south.
Datfala 10-tribe kingdom long north hem stap for 257 year bifor olketa long Assyria finisim hem. Then 133 year bihaen, tu-tribe kingdom long south hem finis tu. Long taem hia nao olketa Israelite kamap prisoner long Babylon. So Part FOA hem storyim 510 year bilong history, wea iumi bae lukim plande difren kaen interesting samting wea happen insaed datfala taem.
LO DISFALA SEKSON
STORY 56
Saul—First King Bilong Israel
Long firstaem God nao chusim Saul, then bihaen God rejectim hem. Diswan teachim iumi wanfala nambawan leson.
STORY 58
David and Goliath
David no faetem Goliath witim sling nomoa bat witim narafala strong samting for faet.
STORY 59
Why David Mas Ranawe
Long firstaem Saul hem hapi long David, bat gogo hem jealous and laek killim dae David. Why nao olsem?
STORY 60
Abigail and David
Abigail sei hasband bilong hem wanfala krangge man. Diswan sevem laef bilong Nabal for short taem.
STORY 61
David Kamap King
David hem pruvim hem fit for kamap king bilong Israel from olketa samting hem duim and no duim.
STORY 62
Trabol Long Famili Bilong David
David duim wanfala nogud mistek wea bringim trabol long hemseleva and famili bilong hem for staka year.
STORY 64
Solomon Buildim Temple
Nomata Solomon garem wisdom, hem duim samfala krangge and rong samting.
STORY 65
Kingdom Hem Divaed
Taem Jeroboam start for rul, hem leadim olketa pipol for brekem olketa law bilong God.
STORY 67
Jehoshaphat Trustim Jehovah
Why nao olketa man wea singsing wea no holem eni samting for faet nao bae leadim wanfala army for go faet?
STORY 68
Tufala Boy wea Laef Bak Moa
Waswe, eniwan wea dae bae savve laef bak moa? Hem happen bifor!
STORY 72
God Helpem King Hezekiah
Insaed long wanfala naet, wanfala angel killim dae 185,000 soldia bilong Assyria.
STORY 73
Last Gud King Bilong Israel
Josiah hem wanfala teenager nomoa taem hem duim wanfala samting wea showimaot hem no fraet.
STORY 74
Man wea Nating Fraet
Jeremiah tingse hem young tumas and no fit for kamap wanfala profet, bat Jehovah savve hem fit for duim.
STORY 75
Fofala Boy Long Babylon
Olketa win nomata olketa stap farawe from olketa famili bilong olketa.
STORY 76
Jerusalem Hem Finis Evribit
Why nao God letem Babylon wea enemy bilong olketa long Israel for finisim evribit Jerusalem?
