Tawa kaq tanta

Israelpi ñawpa kaq reymantapacha Babiloniap ñakʼarichiyninkama

Saúl Israelpi ñawpa kaq rey karqa. Jehová Saulta qhisachaspa, Davidta rey kananpaq akllarqa. Davidmanta achkhata yachakusunchik. Waynallaraq kachkaspa, may jatun runa Goliatwan maqanakurqa. Chantapis, Saúl reymanta ayqirqa. Chantapis kʼacha warmi Abigailqa, mana wampu runajina ruwanapaq jarkʼarqa.

Salomonmanta yachakullasuntaq. Payqa Davidpa churin karqa. Tatanpa qhipanta kamachirqa. Ñawpa kaq 3 reykunaqa, sapa juk 40 watata kamachirqanku. Salomón kamachisqanmanta qhipaman Israel iskayman tʼaqakurqa, pata kaq reinoman, ura kaq reinoman.

Pata kaq 10 ayllumanta reinoqa, 257 watasta sayarqa asirios urmachinankukama. Chaymanta, 133 watasman ura kaq iskay ayllusmanta reinoqa babiloniospa makinpi urmallantaq. Chaymanta israelitasqa Babiloniaman apachikurqanku. Kay TAWA kaq tantaqa 510 watakunamanta willachkan, chay watakunapi ruwakusqan manchayta tʼukurichiwasunchik.