CHIGAŴA 4
Fumu Yakwamba ya Yisraele Kuzifika Nyengu ya Ukapolu ku Babiloni
Sauli wenga fumu yakwamba ya Yisraele. Kweni Yehova wangumukana, m’malumwaki wangusankha Davidi kuja fumu. Tisambirengi vinthu vinandi vakukwaskana ndi Davidi. Iyu weche mwana wangubaya munthu wanthazi ukongwa, Goliati. Pavuli paki, wanguzithaŵa Fumu Sauli ya sanji. Ndipu munthukazi wazeru Abigaili wangumukanizga kuchita chinthu chiheni.
Tisambirengi so vinandi vakukwaskana ndi Solomoni, mwana waku Davidi yo wanguzihara ufumu wa awiski. Kweniso tisambirengi za mafumu ngakwamba ngatatu nga Yisraele, ngeningo fumu yeyosi yinguwusa kwa vyaka 40. Solomoni wati wafwa, ufumu wa Yisraele ungugaŵikana pakati, wakumpotu ndi wakumwela.
Ufumu wakumpotu wa mafuku 10, unguja vyaka 257 wechendabwanganduliki ndi Asiriya. Ndipu pati pajumpha vyaka 133, ufumu wakumwela wa mafuku ngaŵi nawu so ungubwangandulika. Panyengu iyi, Ayisraele angukoleka kuluta ku ukapolu ku Babiloni. Sonu Chigaŵa CHACHINAYI chikonkhoskengi vinthu vinandi vakukondweska vo vinguchitika kwa vyaka 510, yechendafiki nyengu yidu.
PA CHIGAŴA ICHI
NKHANI 56
Sauli Wenga Fumu Yakwamba ya Yisraele
Pakwamba wangusankhika ndi Chiuta ndipu pavuli paki Chiuta wangumukana, Sauli watitisambizga sambiru lakukhumbika ukongwa.
NKHANI 57
Chiuta Wasankha Davidi
Kumbi ndi vinthu wuli vo Chiuta wanguwona mwaku Davidi vo Samuele wanguviwona cha?
NKHANI 58
Davidi ndi Goliati
Davidi wangubaya Goliati, ndi fyata pe cha kweni chifukwa chakuti Chiuta wanthazi zosi wangumuwovya.
NKHANI 59
Chifukwa cho Davidi Wakhumbikiya Kuthaŵa
Pakwamba Sauli wakondwanga ukongwa ndi Davidi, kweni pavuli paki wanguchita sanji ndipu wakhumbanga kumubaya. Ntchifukwa wuli?
NKHANI 60
Abigaili ndi Davidi
Abigaili wangukamba kuti mulumu waki wenga wakupusa ndipuso wambula zeru ndipu venivi vinguwovya kuti Nabala wajeku ndi umoyu kwa kanyengu.
NKHANI 61
Davidi Waja Fumu
Davidi wanguja fumu ya Yisraele chifukwa cha vo wanguchita ndi vo wangukana kuchita.
NKHANI 62
Banja Laku Davidi Lingukumana ndi Masuzgu
Ubudi umoza wo Davidi wanguchita unguchitiska kuti iyu ndi banja laki akumani ndi masuzgu kwa vyaka vinandi.
NKHANI 64
Solomoni Wazenga Nyumba Yakusopiyamu
Chinanga kuti wenga ndi zeru, Solomoni wanguchita chinthu chiheni kweniso mwambula zeru.
NKHANI 65
Kugaŵika kwa Ufumu
Yeroboamu wati wayamba ŵaka kulamuliya, wanguchitiska ŵanthu anandi kuleka kuvwiya marangu ngaku Chiuta.
NKHANI 67
Yehosafati Wangugomezga Yehova
Ntchifukwa wuli asilikali anguluta kunkhondu mwakulongozgeka ndi ŵanthu wo ambanga sumu?
NKHANI 68
Anyamata Ŵaŵi wo Angufwa ndi Kuyukiskika
Kumbi munthu yo wafwa wangaja so ndi umoyu? Vinguchitikapu kuvuli uku!
NKHANI 69
Msungwana Wanguwovya Mula Wankhondu
Iyu wanguchita chiganga kulongoro ndipu vo wanguchita vinguwovya kuti Namani wachiri.
NKHANI 70
Yona ndi Chisomba
Yona wangusambirapu kanthu pa vo vingumuchitiya ndipu wanguziŵa kuti ndi zeru kuchita vosi vo Yehova wakamba.
NKHANI 71
Chiuta Walayizga Paradayisu
Paradayisu wakwamba wenga ndi malu ngamanavi kweni yo watuza wazamukuŵa pacharu chosi.
NKHANI 72
Chiuta Wanguwovya Fumu Hezekiya
Ndi usiku umoza pe mungelu wangubaya asilikali asiliya 185,000.
NKHANI 73
Fumu Yamampha Yakumaliya ya Yisraele
Weche mnyamata, Josiya wanguchita vinthu mwambula mantha.
NKHANI 74
Munthu Wambula Mantha
Yeremiya waŵanaŵananga kuti wangaja mchimi cha chifukwa wenga weche mwanamwana, kweni Chiuta waziŵanga kuti wamuwovyengi kufiska ntchitu yeniyi.
NKHANI 75
Anyamata Ŵanayi Ku Babiloni
Angufiska kuteŵete Chiuta chinanga kuti ŵenga kutali ndi apapi ŵawu.
NKHANI 76
Yerusalemu Wabwangandulika
Ntchifukwa wuli Chiuta wanguzomereza a Babiloni wo ŵenga arwani Ayisraele kubwangaduwa Yerusalemu?
