Saúl yeʼnani waj ja bʼajtan mandaranum bʼa Israel. Pe yuja mi kʼuʼabʼal ajyi, ja Jyoba stsaʼa pilan. David yeʼnani tsaji bʼa oj ochkan slokʼol ja Saúl. La jnebʼtik jitsan jastik junuk sbʼaja Davidi. Ja keremto, tiroʼani sok ja tan niwan winik Goliat. Tsaʼan spaka ajnel yuja wa x-ilkʼujolaji yuj ja mandaranum Saúl. Ja tsamal ixuk Abigail ay jas skʼulan bʼa jachuk ja David mi oj skʼuluk jun jasunuk bʼa mi lekuk.

Chomajkil oj jnebʼtik jitsan jastik junuk sbʼaja Salomón, ja skerem ja David. Salomón yeʼn ochkan slokʼol ja David ja bʼa mandaranel bʼa Israel. Jujune ja bʼa bʼajtanik oxe mandaranum bʼa Israeli nake yaʼawe mandar 40 jabʼil. Tsaʼan yajni cham ja Salomón, ja mandaraneli spila sbʼaj bʼa chabʼ kʼole: ja kʼole bʼa norte soka kʼole bʼa suri.

Bʼajtanto yuj ja kʼakʼanumik bʼa Asiria oj ya chʼayuke snajel ja smandaranel ja lajune kʼole bʼa norte, albʼi 257 jabʼil. Anto, 133 jabʼil tsaʼan, ja chabʼ kʼole bʼa suri cha aji chʼayuke snajel. Ja ekʼele it ja israʼelenyoʼiki ijiye och man Babilonia. Ja yuj ja XETʼAN 4 yiʼaj 510 jabʼil ja chʼak ekʼuki, soka bʼa tyempo jaw wa x-ekʼ jitsan jastik junuk bʼa jel wa xya chamjkʼujoltik.