XCHANEBAL PARTE
Ta sbabial ajwalil yuʼun Israel jaʼto te kʼalal la yichʼik bael chukel ta Babilonia
Te Saúl jaʼ och ta sbabial ajwalil ta Israel. Jaʼukmeto la yichʼ pʼajel yuʼun te Jehová, la yichʼ tsael te David yuʼun jaʼ ya x-och ta ajwalil. Yame jnoptikxan bael ta swenta te Davide. Te kʼalal jchʼiel keremto-a te Davide la stsak sba sok te mukʼul najtʼil winik Goliat. Ta patil lokʼ ta anel ta stojol te ajwalil Saúl ta skaj te ya xbikʼtal oʼtantayot yuʼune. Te tʼujbil ants Abigail la skom ta spasel bin chopol te Davide.
Ta patil yame jnoptikxan bael ta swenta te Salomón, te jaʼ snichʼan te Davide, te jaʼ la sjelolin jilel ta ajwalil te stat ta Israel. Te sbabial oxtul ajwaliletik ta Israel 40 jaʼbil jalajik ta mantalteswanej ta jujuntul. Ta patil, te kʼalal lajemix-a te Salomone, te nación yuʼun Israel la xat sba ta cheb, jchajp la yakʼ sbaik ta mantaltesel ta norte, jchajp la yakʼ sbaik ta mantaltesel ta sur.
Te mantaltesel ta stojol te lajunchajp snichʼnab Israel te ayik ta norte jalaj 257 jaʼbil, te kʼalal mato yichʼojik lajinel yuʼun-a te asiriaetike. Tey-abi kʼax 133 jaʼbil jaʼnix jich te mantaltesel yuʼun te chaʼchajp snichʼnab Israel la yichʼik lajinel. Ta yorail-abi lananix yichʼik bael chukel ta Babilonia te israeletike. Jich yuʼun te XCHANEBAL PARTE ini smakoj 510 jaʼbil, ta spisil te jayeb jaʼbil kʼaxe ay bayal bintik kʼax mukʼ skʼoplal te ya kiltik baele.
TA SECCION INI
AʼIYEJ 56
Te Saúl jaʼ sbabial ajwalil ta Israel
Ta sbabial la yichʼ tsael yuʼun te Diose, ta patil pʼajot yuʼun, ¿bin ya yakʼ jnoptik ta swenta te Saule?
AʼIYEJ 57
La yichʼ tsael yuʼun Dios te Davide
¿Bin la yilbey Jehová te David te maba la sta ta ilel te j-alwanej Samuele?
AʼIYEJ 58
Te David sok te Goliat
Te David la smil te Goliat, ma jaʼuknax ta skaj te sjimochʼe, ay yan aʼtejibal te kʼax bayal yipe.
AʼIYEJ 59
¿Bin yuʼun lokʼ ta anel te Davide?
Te Saúl tseʼelnax yoʼtan sok te David ta sjajchibal, ta patil te Saúl kʼan smil yuʼun te slab yoʼtane. ¿Bin yuʼun?
AʼIYEJ 60
Te Abigail sok te David
Te Abigail la yal te ma snaʼ kʼinal te smamlale, jaʼukmeto la skoltaybey skuxlejal ta milel.
AʼIYEJ 61
Och ta ajwalil te David
Te David la yakʼ ta ilel te lek stalel swenta te bin ya spas sok te bin maba ya spas swenta ya x-ajwalin ta stojol te israeletike.
AʼIYEJ 62
Tal wokoliletik ta sna David
Ta swenta te bin chopol la spase te Davide tal bayal wokolil ta stojol te David sok te sfamilia ta patil.
AʼIYEJ 64
La spas templo te Salomón
Manchukme pʼij te Salomone, la yichʼ tijbeyel yoʼtan ta spasel te bin chopole.
AʼIYEJ 65
La xat sba te mantaltesel
Te kʼalal jajch ta mantalteswanej te Jeroboam, jaʼ la yakʼbey skʼaxuntaybey smantal Dios ants winiketike.
AʼIYEJ 66
Te chopol ajwalil ants Jezabel
Te ajwalil ants maʼyuk bin la yakʼ swenta ya yichʼ te bin la skʼan yoʼtane.
AʼIYEJ 67
Te Josafat la smukʼulin yoʼtan te Jehová
¿Bin yuʼun te tsojb soldadoetik ya xbajtʼik ta guerra sok jkʼayojetik te ayik baele ta nail yuʼunike?
AʼIYEJ 69
Jtul tut achʼix la skoltay jtul winik te mukʼ skʼoplale
Bayal stseʼelil yoʼtan ta yakʼel sba ta naʼel sok ay machʼa la yichʼ pasbeyel jun milagro ta swenta.
AʼIYEJ 70
Te Jonás sok te mukʼul chaye
Te bin mukʼ skʼoplal la snop Jonás, jaʼ te ya skʼan ya schʼuun spasel te bin ya yal te Jehovae.
AʼIYEJ 71
Te Dios jamal yaloj te ya yakʼ jun nichimal kʼinal
Maba mukʼ te sbabial nichimal kʼinale, te Balumilal ini ya xnoj ta nichimal kʼinal.
AʼIYEJ 72
La yichʼ koltayel yuʼun Dios te Ezequías
Ta jun-nax ajkʼabal, jtul chʼul-abat la smil 185,000 Asirioetik.
AʼIYEJ 73
Slajibal lekil ajwalil ta Israel
Te kʼalal keremto-a te Josías la yakʼ ta ilele te stulanil yoʼtane.
AʼIYEJ 74
Jtul winik te ma xiwe
Te Jeremías kʼax keremto la yaʼiy sba te swenta ya x-och ta j-alwanej, jaʼukmeto te Dios snaʼoj te ya xjuʼ yuʼun spasel te aʼtelile.
AʼIYEJ 75
Chantul keremetik te ayik ta Babilonia
La staik bayal lekilal manchukme namal ayik ta stojol te sfamiliaike.
AʼIYEJ 76
La yichʼ lajinel te Jerusalén
¿Bin yuʼun la yakʼ Dios te ya slajinik Jerusalén te skontratak israeletik, jaʼ te Babilonioetike?
