SHAAHUWAA 4
Israaˈeele Koyro Kawuwaappe Biidi Baabiloone Omoodduwaa Gakkanaashin
Saaˈooli Israaˈeele koyro kawo gidiis. SHin Yihooway a koyibeenna; hegaa gishshau a sohuwan Daawiti kawo gididi doorettiis. Nuuni Daawitebaa darobaa tamaarana. Yelagatettan deˈiiddi, wolqqaama asa gidida Gooliyaadaara olettiis. Guyyeppe, a qanaatiya Kawuwaa Saaˈoolappe baqatiis. Hegaappe, meraa loˈˈiya Abigaala Daawiti issi eeyyatetta ooso oottenaadan ashshaasu.
Kaallidi, Daawita sohuwan Israaˈeeletu bolli kawotida a naˈaa Solomonabaa darobaa tamaarana. Israaˈeelen kawotida koyro heezzu kawoti huuphiyan huuphiyan 40u layttaa kawotidosona. Solomoni hayqqi simmin, Israaˈeelee huuphessanne tohossa bagga naaˈˈu kawotettatun shaakettiis.
Huuphessa bagga 10u zaretu kawotettay Aasooretun xayana gakkanaashin 257 laytta takkiis. Hegaappe 133u layttay aadhdhi simmin, tohossa bagga naˈˈu zaretu kawotettaykka xayiis. He wode Israaˈeeleti Baabiloone biitti omooddettidi biidosona. Hegaa gishshau, SHaahuwaa OYDDAY nu beˈanau deˈiyo daro garamissiya yohoti kumido 510u laytta taarikiyaa oyqqiis.